Thursday, December 11, 2025

Hár qanday jamanlıqtan qashıńlar.

1 Salonikalılar 5:22

Sebebi bizler tek Iyemizdiń názerinde emes, al adamlardıń názerinde de durıs bolǵan nárseni islewge tırısıp atırmız.

2 Korinfliler 8:21

Sebebi Quday sizlerdiń jaqsı islerińiz arqalı aqılsız adamlardıń ósek sózleriniń toqtawın qáleydi.

1 Petr 2:15

Jáne hesh birińiz adam óltiriwshi, urı, jamanlıq islewshi yamasa basqalardıń jumısına aralasıp, kesent beretuǵın bolıp, azap shekpesin.

1 Petr 4:15

Biraq sizler masiyxıy bolǵanıńız ushın azap shegip atırǵan bolsańız, uyalmańlar. Al bul at penen atalatuǵınıńız ushın Qudaydı alǵıslańlar.

1 Petr 4:16

Tuwısqanlar! Quday sizlerdi azat bolıwǵa shaqırǵan. Biraq bul azatlıǵıńızdı óz tábiyatıńızdıń qálewleriniń qurbanı qılmań. Onıń ornına bir-birińizge súyispenshilik penen xızmet etińler.

Galatiyalılar 5:13

Biraq, abaylı bolıńlar, bul azatlıǵıńız isenimi hálsizlerdiń azǵırılıwına sebep bolmasın.

1 Korinfliler 8:9

Biraq kim de kim Maǵan isenetuǵın mına kishkenelerdiń birewin azǵırsa, onıń moynına úlken digirman tası baylanıp, tereń teńizdiń túbine batırılǵanı oǵan jaqsıraq bolar edi.

Matta 18:6

Patsha olarǵa juwap berip: «Sizlerge shının aytıp turman: sizlerdiń usı islerdi Meniń mına eń qarapayım tuwısqanlarımnıń birewine islegenińiz – Maǵan islegenińiz boladı», – deydi.

Matta 25:40