Monday, December 22, 2025

– Qudayǵa unaytuǵın is – Onıń Jibergenine iseniw, – dep juwap berdi Iysa.

Yuxan 6:29

Sol sıyaqlı, islersiz isenim de óz-ózinen óli.

Yaqıp 2:17

Iysa Masiyxqa isenetuǵınlar ushın súnnetleniwdiń de, súnnetlenbewdiń de hesh qanday áhmiyeti joq. Tek súyispenshilik penen háreket etken isenim ǵana áhmiyetli.

Galatiyalılar 5:6

Óziniń gúnakar tábiyatına boysınıwshı sol tábiyatqa tán ólim aladı. Muxaddes Ruwxqa boysınıwshı Muxaddes Ruwxqa tán máńgilik ómirdi aladı.

Galatiyalılar 6:8

Sebebi bizler Qudaydıń dóretpesimiz. Ózi aldın ala tayarlaǵan jaqsı islerin islep jasawımız ushın, Ol bizlerdi Masiyx Iysa arqalı jarattı.

Efesliler 2:10

Ol qun tólep bizlerdi hár bir nızamsız islerimizden azat etiw ushın hám jaqsılıq islewge intalı, ayrıqsha bir xalıqtı Ózine tazalap alıw ushın Óz janın baǵıshladı.

Titus 2:14

Tuwısqanlar! Sizler ushın hámme waqıtta Qudayǵa shúkirlik etiw parızımız. Usılay islewimiz orınlı. Sebebi isenimińiz kún sayın ósip, hár qaysısıńızdıń bir-birińizge degen súyispenshiligińiz artıp barmaqta.

2 Salonikalılar 1:3

Sonlıqtan sizler ushın bárqulla duwa etip atırmız: Qudayımız sizlerdi Ózi shaqırǵan ómirge ılayıqlı qılsın, hár túrli jaqsı arzıw-ármanıńızdı hám isenimge tiykarlanǵan hár bir isińizdi Óz qúdireti menen ámelge asırsın.

2 Salonikalılar 1:11

Sebebi Ózine unaǵan islerdi qálewińiz hám islewińiz ushın, Qudaydıń Ózi sizlerge túrtki saladı.

Filipliler 2:13