Saturday, December 27, 2025

Sebebi bul jerde bizlerdiń máńgilik qalamız joq. Bizler keleshekte aspannan túsetuǵın qalanı árman etemiz.

Evreyler 13:14

Sizler isenim sebepli qamaqta bolǵanlardıń da dártlerine sherik boldıńlar. Ózlerińizdi ele de jaqsıraq hám máńgige bar bolatuǵın mal-múlik kútip turǵanın bilip, mal-múlkińizdiń talan-taraj qılınıwın quwanısh penen qabıl ettińler.

Evreyler 10:34

Háy, kishkene pada, qorqpa! Ákeńiz sizlerge Patshalıqtı beriwdi maqul taptı.

Luka 12:32

Usı sebepli quwanıp, shadlanıńlar. Házir qısqa bir waqıt hár túrli sınawlarǵa ushıraǵanıńızda azap shegiwge tuwra kelse de,

1 Petr 1:6

Ol dúnyada zalımlar jamanlıq qılıwdı toqtatadı, Harıqqanlar da tınım tabadı.

Ayup 3:17

Bizler dúnyadaǵı shatırımızda, yaǵnıy denemizde jasap júrip, awır júk astında qıynalmaqtamız. Negizinde dúnyadaǵı denemizdi sheship taslawdı emes, al onıń ústinen aspandaǵı denemizdi kiyiwdi qáleymiz. Solay etip, óletuǵın dene máńgilik ómir tárepinen jutıp jiberiledi.

2 Korinfliler 5:4

Quday olardıń barlıq kóz jasların súrtip taslaydı. Endi ólim de, qayǵı da, jılaw da, azap ta bolmaydı. Óytkeni burınǵılar ótip ketti».

Ayan 21:4

Meniń oyımsha, házirgi qıyınshılıqlar keleshekte bizlerge beriletuǵın ullılıqqa salıstırǵanda hesh nárse emes.

Rimliler 8:18

Óytkeni házirgi ótkinshi hám arzımas qıyınshılıqlarımız bizlerge hádden tıs ullı hám máńgilik dańq alıp keledi.

2 Korinfliler 4:17