Friday, December 26, 2025

Solay etip, súyikli tuwısqanlarım, taysalmay bekkem turıńlar hám Iyemizdiń xızmetinde bárqulla ǵayratlı bolıńlar. Óytkeni Iyemizdiń jolında etken xızmetińizdiń bosqa ketpeytuǵının bilesizler.

1 Korinfliler 15:58

Sonlıqtan Masiyx Iysanı Iyemiz dep qabıl etken bolsańız, Onıń menen tıǵız qatnasta bolıp jasańlar. Onda tamır jayıp hám tiklenip, ózlerińiz úyrengendey, isenimde bekkemlenip barıńlar hám Qudayǵa sansız shúkirlik bildirińler.

Kolosalılar 2:6-7

Biraq, aqırına deyin shıdaǵan qutqarıladı.

Matta 24:13

Al ónimli topıraqqa túskenleri mınaday adamlardı bildiredi: olar sózdi esitip, jaqsı hám pák kewillerinde saqlap, shıdamlılıq penen zúráát beredi.

Luka 8:15

Bizler sizlerdiń isenimińizdiń ústinen biylik ornatqımız kelmeydi. Kerisinshe, sizlerdiń quwanıwıńız ushın, bizler sizler menen birlikte miynet etip atırmız. Sebebi sizler isenimde bekkem tursızlar.

2 Korinfliler 1:24

Ele kúndiz eken, Meni Jibergenniń islerin islewimiz kerek. Tún keledi, sonda hesh kim isley almaydı.

Yuxan 9:4

Óziniń gúnakar tábiyatına boysınıwshı sol tábiyatqa tán ólim aladı. Muxaddes Ruwxqa boysınıwshı Muxaddes Ruwxqa tán máńgilik ómirdi aladı. Solay eken, jaqsılıq islewden jalıqpańlar. Eger hálsizlenip qalmasaq, waqtı kelgende jemisin orıp alamız. Sonlıqtan múmkinshiligimiz bar eken, hámme adamǵa, ásirese iseniwshi tuwısqanlarımızǵa jaqsılıq isleyik.

Galatiyalılar 6:8-10