Wednesday, January 7, 2026

– Barıp, mınalardı Erusalim xalqına esittirip járiyala: «Jaratqan Iye bılay deydi: Seniń jaslıǵıńda qanday opadar bolǵanıń, Kelinshek waqtıńdaǵı súyispenshiligiń, Shólde, egin ege almaytuǵın jerde, Izime ergeniń yadımda.

Eremiya 2:2

Degen menen, jaslıq shaǵıńda seniń menen dúzgen kelisimimdi yadqa alıp, seniń menen máńgilik kelisim dúzemen.

Ezekiel 16:60

Jaratqan Iye bılay deydi: Babiloniyada bolǵanıńızǵa jetpis jıl tolǵanda, Men sizlerge názer awdarıp, sizlerdi usı jerge qaytarıp alıp kelemen degen iygilikli wádemdi orınlayman. Men sizler ushın dúzgen jobalarımdı Ózim bilemen, – deydi Jaratqan Iye. – Bul jobalarım sizlerge apat emes, al abadanshılıq alıp keledi, keleshekke úmit baǵıshlaydı.

Eremiya 29:10-11

Aspan jerden qansha joqarı bolsa, Meniń jollarım da sizlerdikinen sonsha joqarı, Meniń oy-pikirlerim de sizlerdikinen júdá biyik.

Iyshaya 55:9

Biraq men Qudaydı izlegen, Dawa-arzımdı Oǵan tapsırǵan bolar edim. Ol aqılǵa sıymaytuǵın, ullı islerdi islep, Sansız káramatlar kórseter.

Ayup 5:8-9

Men: «Oh, Jaratqan Iye, maǵan rehim qıl, Saǵan qarsı gúna qıldım, shıpa ber!» – dedim.

Zabur 40:5