Friday, January 16, 2026

Áke Óz Ulın súyedi hám hámme nárseni Onıń qolına tapsırǵan.

Yuxan 3:35

Sonlıqtan da, Quday Onı eń biyik mártebege eristirdi hám Oǵan barlıq atlardan joqarı turatuǵın attı berdi. Solay etip, Iysanıń atı atalǵanda aspandaǵılardıń, jerdegilerdiń hám jerdiń astındaǵılardıń barlıǵı dize búgip, Quday Ákeniń ullılanıwı ushın, hár bir til Iysa Masiyxtı Iyemiz dep ashıq moyınlaydı.

Filipliler 2:9-11

Quday Masiyxtı barlıq hákimshilik hám biylikten, pútkil qúdiret hám húkimdarlıqtan, tek usı zamanda emes, al keleshek dáwirde de atalatuǵın hámme atlardan joqarı qoydı.

Efesliler 1:21

Óytkeni aspandaǵı hám jerdegi kózge kórinetuǵın hám kózge kórinbeytuǵın nárselerdiń hámmesi Masiyx tárepinen jaratılǵan: taxtlar, húkimdarlıqlar, hákimshilik hám biylikler, hámme nárse Ol arqalı hám Ol ushın jaratıldı.

Kolosalılar 1:16

Usı maqsette Masiyx ólip, ólimnen qayta tirildi. Sonlıqtan Ol ólilerdiń de, tirilerdiń de Iyesi boldı.

Rimliler 14:9

Sizler de hár qanday hákimshilik hám biyliktiń bası Masiyx penen qatnasta bolıp, usı tolılıqqa eristińiz.

Kolosalılar 2:10

Onıń tolılıǵınan hámmemiz miyrim ústine miyrim aldıq.

Yuxan 1:16