Friday, January 23, 2026

Patshalar saǵan ákelik qılıp, Xanbiykeler saǵan sút beriwshi ana boladı. Olar aldıńda beti jerge tiygenshe iyilip tájim etedi, Ayaqlarıńdaǵı shańdı artadı. Sonda sen Meniń Jaratqan Iye ekenimdi, Maǵan úmit baylaǵanlar uyatqa qalmaytuǵının bilip alasań».

Iyshaya 49:23

Jaratqan Iyege úmit baylaǵan, Oǵan súyengen adam qanday baxıtlı!

Eremiya 17:7

Saǵan úmit artqanı ushın, Pikirin Saǵan baǵıshlaǵandı, Tolıq tınıshlıqta saqlaysań. Jaratqan Iyege máńgige úmit bayla, Óytkeni Ol máńgilik súyewshi jartas.

Iyshaya 26:3-4

Ómirim boyı Saǵan alǵıs aytaman, Seniń atıń menen qollarımdı joqarı sozaman. Maylı jilik jegendey janım toyadı, Shadlı dawıs penen awzım Saǵan alǵıs-maqtaw aytadı.

Zabur 62:5-6

Sonlıqtan bul sebepli azap shegip atırman. Biraq ta, men arlanbayman. Sebebi Kimge isengenimdi bilemen hám maǵan tapsırılǵandı Onıń Óziniń sol kúnge deyin saqlay alatuǵınına da isenemen.

2 Timofey 1:12

Sol sıyaqlı, Quday da Óz erkiniń ózgermeytuǵının wádeni miyras etip alǵanlarǵa ashıq kórsetpekshi bolıp, wádesin ant penen tastıyıqladı. Solay etip, usı eki nárse, yaǵnıy wáde hám ant ózgermeydi. Sebebi Quday olardı aytqanda ótirik sóylewi múmkin emes. Sonlıqtan ózlerimizge berilgen úmitti bekkem saqlawımız ushın, Qudaydan pana tapqan bizler olar arqalı úlken jubanıshqa iye bolamız. Bizlerdiń bul úmitimiz janlarımız ushın kemeniń kóshkisi sıyaqlı isenimli hám bekkem. Usı úmit bizlerdi aspandaǵı Muxaddes shatırdıń perdesiniń arǵı tárepine ótkizedi. Iysa bizler ushın sol jerge bizlerden aldın kirip, Melkisedek sıyaqlı máńgige bas ruwxaniy boldı.

Evreyler 6:17-20