Monday, January 26, 2026

Súyikli tuwısqanlarım, sizlerdi sınaw ushın keletuǵın awır azaptı tań qalarlıq nárse dep, hayran bolmańlar. Kerisinshe, Masiyxtıń azaplarına sherik bolǵanıńızǵa quwanıńlar. Solay etip, Masiyx saltanat penen kelgende, quwanıp shadlanasızlar.

1 Petr 4:12-13

Bizlerdiń sizlerge baylanıslı bolǵan úmitimiz bekkem. Óytkeni sizlerdiń tek azap-aqıretlerimizge emes, al alǵan jubanıshımızǵa da sherik ekenińizdi bilemiz.

2 Korinfliler 1:7

Masiyxtıń atı ushın masqaralanıp atırǵan bolsańız, sizler baxıtlısızlar! Sebebi Qudaydıń ullı Ruwxı ústińizde boladı.

1 Petr 4:14

Elshiler Iysanıń atı sebepli masqaralanıwǵa miyasar bolǵanı ushın joqarǵı keńesten quwanıshlı túrde shıǵıp ketti.

Elshiler 5:41

Ol waqıtsha gúnakar ómirdiń káyip-sapasın súriwdiń ornına, Qudaydıń xalqı menen birge jábir shegiwdi tańladı. Masiyx sebepli xorlanıwdı Mısırdıń ǵáziynelerinen de ullıraq baylıq dep sanadı. Óytkeni ol alajaq sıyın kútetuǵın edi.

Evreyler 11:25-26