Tuesday, February 3, 2026

Men – júzim aǵashıman, sizler – shaqalarsız. Kim Mende bolıp, Men onda bolsam, ol kóp jemis beredi. Sebebi Mensiz hesh nárse isley almaysızlar.

Yuxan 15:5

Maǵan kúsh-quwat beretuǵın Iysa Masiyx penen birge hámme nárseni isley alaman.

Filipliler 4:13

Juwmaqlap aytqanda, Iyemiz benen qatnasta bolıp, Onıń qúdiretiniń kúshi menen bekkemlenip barıńlar.

Efesliler 6:10

Keyin Nexemiya xalıqqa bılay dedi: «Endi úylerińizge qaytıp, maylı awqatlardan jep, mazalı ishimliklerden ishińler. Awqat tayarlamaǵanlarǵa da sol nárselerden pay berip jiberińler. Sebebi búgin Iyemiz ushın muxaddes kún. Qayǵırmańlar, sebebi Jaratqan Iye beretuǵın quwanısh sizlerdi kúshli qıladı».

Nexemiya 8:10

Álemniń Jaratqan Iyesi bılay deydi: Kúshli bolıńlar! Meniń Úyim qayta qurılıwı ushın tiykarı salınǵan kúnleri payǵambarlardıń aytqan sózlerin esitip atırsız.

Zexariya 8:9

Hálsiz qollarǵa kúsh berip, Qaltıraǵan dizelerge quwat beriń. Qoyanjúreklerge bılay deńler: «Márt bolıń, qorqpań! Qudayıńız ósh alıwǵa, Esesin qaytarıwǵa kelip, Sizlerdi qutqaradı».

Iyshaya 35:3-4

Olay bolsa, buǵan ne deymiz? Eger Quday bizlerdi jaqlasa, bizlerge kim qarsı tura aladı?

Rimliler 8:31

Sonlıqtan biz xızmetshiler bul xızmetti Qudaydıń miyrim-shápááti menen islep atırǵanımız sebepli, ruwxımızdı túsirmeymiz.

2 Korinfliler 4:1

Solay eken, jaqsılıq islewden jalıqpańlar. Eger hálsizlenip qalmasaq, waqtı kelgende jemisin orıp alamız.

Galatiyalılar 6:9

Biraq, Qudayǵa shúkirler bolsın! Ol bizlerdi Iyemiz Iysa Masiyx arqalı jeńiske eristire beredi.

1 Korinfliler 15:57