Sunday, February 1, 2026

Óytkeni bizler kózge kórinetuǵın nárselerge emes, al isenimimizge súyenip jasaymız.

2 Korinfliler 5:7

Bizler bir-birimizdi súyemiz, óytkeni dáslep Quday bizlerdi súydi.

1 Yuxan 4:19

Bizler Qudaydıń bizlerge degen súyispenshiligin bilemiz hám oǵan isenemiz. Quday – súyispenshilik. Kim de kim súyispenshilik penen jasasa, ol Qudayda, Quday da onda boladı.

1 Yuxan 4:16

Haqıyqat sózin, yaǵnıy qutqarılıw haqqında Xosh Xabardı esitip, Masiyxqa isengenińizde, sizler de wáde etilgen Muxaddes Ruwx penen mórlenip, Qudayǵa tiyisli boldıńlar.

Efesliler 1:13

Bul sırdıń basqa milletler ushın da qanshelli ullı hám bay ekenin Quday Óz muxaddeslerine bildiriwdi uyǵardı. Usı sır – ullılıqqa erisiwge úmit beretuǵın ishińizde jasawshı Masiyx.

Kolosalılar 1:27

Eger kim de kim: «Qudaydı súyemen» dep, tuwısqanın jek kórse, ol ótirikshi. Sebebi kózge kórinetuǵın tuwısqanın súymegen adam kózge kórinbeytuǵın Qudaydı qalay súye aladı?

1 Yuxan 4:20

Iysa oǵan: – Sen Meni kórgenlikten isendiń. Biraq, kórmey isengenler qanday baxıtlı! – dedi.

Yuxan 20:29

Onıń ulınıń aldında bas iyiń, Bolmasa, Onıń ǵázebi qaynar, Sizler de ómir jolıńızda birden joq bolarsız. Onıń qáhári tez lawlap janar. Qanday baxıtlı Onnan pana tapqanlar!

Zabur 2:12