Thursday, February 5, 2026

Biraq jaqsılıq hám jamanlıqtı biliw tereginen jeme, jeseń sózsiz óleseń», – dep buyırdı.

Jaratılıs 2:17

Hayal terektiń miywesiniń jewge jaqsı hám kózge jaǵımlı ekenin kórip, onnan bilim alıwǵa bolatuǵının bilgenlikten, háwesi keldi. Sonlıqtan ol miyweni úzip alıp jedi hám janındaǵı kúyewine de berdi. Kúyewi de jedi.

Jaratılıs 3:6

Sebebi gúnanıń tólemi – ólim, al Qudaydıń sıyı – Iyemiz Masiyx Iysa arqalı beriletuǵın máńgilik ómir.

Rimliler 6:23

Bir adamnıń gúnası sebepli, sol adam arqalı pútkil adamzat ústinen ólim biylik etken bolsa, endi tek bir adam, yaǵnıy Iysa Masiyx arqalı Qudaydıń mol miyrimin alıp aqlanǵanlar ústinen ómir biylik etedi.

Rimliler 5:17

Bir adam arqalı ólim kelgeni sıyaqlı, bir Adam arqalı ólimnen tiriliw keldi. Yaǵnıy, Adam-ata menen qatnası bolǵan pútkil adamzat óletuǵını sıyaqlı, Masiyx penen qatnası bolǵan barlıq adamlar tirilip, ómirge erisedi.

1 Korinfliler 15:21-22

Al endi bolsa, bul miyrimdi Qutqarıwshımız Masiyx Iysanıń dúnyaǵa keliwi menen ashıq kórsetti. Masiyx Iysa ólimniń kúshin joq qılıp, Xosh Xabar arqalı joǵalmaytuǵın máńgilik ómirdi ayan qıldı.

2 Timofey 1:10

Sol gúwalıq mınaw: Quday bizlerge máńgilik ómir berdi hám bul ómir Onıń Ulında. Qudaydıń Ulına iye bolǵan adam ómirge iye boladı, Qudaydıń Ulına iye bolmaǵan adam ómirge iye emes.

1 Yuxan 5:11-12

Quday Ulın bul dúnyanı húkim etiw ushın emes, al dúnyanı Ol arqalı qutqarıw ushın jiberdi.

Yuxan 3:17