Saturday, March 14, 2026

Tek jasap atırǵan ómirińiz Masiyxtıń Xosh Xabarına ılayıqlı bolsın. Sol waqıtta kelip sizlerdi kórsem de, alısta bolıp hal-jaǵdayıńızdı esitsem de, sizlerdiń bir ruwxta bekkem turǵanıńızdı, Xosh Xabarǵa degen isenim ushın bir jan, bir tán bolıp gúresip atırǵanıńızdı bileyin.

Filipliler 1:27

Hár qanday jamanlıqtan qashıńlar.

1 Salonikalılar 5:22

15-Sonda sizler adasqan hám buzılǵan áwlad arasında Qudaydıń kemshiliksiz, taza hám minsiz balaları bolasızlar. Qudaydıń ómir beretuǵın sózlerin basqalarǵa jetkizip, dúnyadaǵı juldızlar sıyaqlı jarqıraysızlar. Solay etip, meniń jan-tánim menen qılǵan miynetim bosqa ketpey, Masiyxtıń qayta keletuǵın kúninde maqtana alaman.

Filipliler 2:15

Sol sıyaqlı, sizlerdiń nurıńız adamlardıń aldında jarqıray bersin. Adamlar sizlerdiń jaqsı islerińizdi kórip, aspandaǵı Ákeńizdi dańqqa bólesin!

Matta 5:16

Súyispenshilik hám sadıqlıq hasla seni tárk etpesin, Olardı moynıńa taǵıp, Júregińe oyıp jazıp qoy. Sonda Qudaydıń hám adamlardıń názerinde, Miyrim hám abırayǵa iye bolasań.

Hikmetler 3:3-4

Tuwısqanlarım, juwmaqlap aytqanda, tek ǵana nelerdiń haqıyqıy, nelerdiń húrmetli, nelerdiń haq, nelerdiń pák, nelerdiń unamlı, nelerdiń maqtawǵa turarlı, jáne de, neniń jaqsı hám neniń alǵısqa ılayıqlı ekeni haqqında tereń oylańlar.

Filipliler 4:8