Saturday, March 7, 2026

Bul sır ullı. Men bunı Masiyxqa hám iseniwshiler jámáátine baylanıslı aytıp atırman.

Efesliler 5:32

Endi saǵan «Tárk etilgen», dep aytpas, Jerińdi «Qańırap qalǵan», dep atamas. Biraq saǵan «Súyiklim», Jerińe «Kelinshegim», delinedi. Sebebi Jaratqan Iye seni súyedi, Jeriń de xojalıqlı boladı. Jigittiń qızǵa úylengenindey, Ullarıń da saǵan iyelik etedi. Kúyewdiń kelin ushın quwanǵanı sıyaqlı, Qudayıń da sen ushın quwanadı.

Iyshaya 62:4-5

Quday Iyeniń Ruwxı meniń ústimde. Ol meni jarlılarǵa xosh xabar járiyalaw ushın mayladı. Meni jaralı júreklerdi emlewge, Tutqınlardıń azatlıqqa, Qamaqtaǵılardıń erkinlikke shıǵatuǵının, Jaratqan Iyeniń miyrimlilik jılın, Qudayımızdıń ósh alatuǵın kúnin járiyalawǵa, Barlıq qayǵıǵa batqanlarǵa jubanısh beriwge, Sionda qayǵı basqanlarǵa ǵamxorlıq qılıwǵa, Kúl ornına sánli taj, Qayǵı ornına shadlıq mayın, Ǵamlı ruwx ornına alǵıs tonın beriwge jiberdi. Olar Jaratqan Iyeniń dańqın kórsetiw ushın egilgen, Ádillik terebinfleri dep ataladı.

Iyshaya 61:1-3

Men Jaratqan Iyede shadlanaman, Janım Qudayımda yoshlanar. Óytkeni Ol maǵan qutqarılıw kiyimin kiygizdi. Maǵan ádillik shapanın japtı. Men taj kiygen kúyewge, Bezeniw buyımların taqqan kelinge uqsayman.

Iyshaya 61:10

Men seni Ózime máńgige nekelep alaman. Saǵan hámme waqıtta ádalatlı hám ádil, súyispenshilikli hám miyrim-shápáátli qatnasta bolaman.

Hoshea 2:19

Masiyxtıń súyispenshiliginen bizlerdi kim ayıra aladı? Hesh kim. Qıyınshılıq ta, qayǵı da, quwdalaw da, ashlıq ta, jalańashlıq ta, qáwip te, qılısh ta ayıra almaydı.

Rimliler 8:35