Sunday, March 8, 2026

Quday, Saǵan uqsası bar ma eken? Óz xalqıńnıń qalǵanlarınıń, Jınayatların hám kóterilislerin keshiretuǵın basqa Quday joqdur. Máńgige ǵázeplenbesseń xalqıńa, Sebebi sadıq miyrimińdi kórsetiwdi maqul kóreseń. Sen bizlerge jáne miyrim-shápáát qılarsań, Ezip taslarsań ayıplarımızdı ayaǵıń astında, Pútkil gúnalarımızdı teńiz túbine ılaqtırasań.

Mixa 7:18-19

Men seni bir máwrit tárk ettim, Biraq ullı mehir menen seni jıynayman. Qáhárlengenimde, sennen bir máwrit júzimdi jasırǵan edim, Biraq máńgilik súyispenshiligim menen, Saǵan rehim etemen, – deydi Ámeńgeriń Jaratqan Iye. –

Iyshaya 54:7-8

Bunnan bılay hesh kim óz dostına yamasa óz tuwısqanına: „Jaratqan Iyeni tanıp bil“, – dep úyretpeytuǵın boladı. Sebebi kishkenesinen úlkenine deyin hámmesi Meni tanıytuǵın boladı, – deydi Jaratqan Iye. – Men olardıń qılmısların keshiremen, gúnaların qaytıp esime almayman».

Eremiya 31:34

Háy, haq adamlar, Jaratqan Iyede shadlanıp baqırıń! Ádil adamlarǵa jarasar Oǵan alǵıs-maqtaw aytıw. Lira shertip, Jaratqan Iyeni táriyipleń, On tarlı arfada Oǵan arnap nama shalıń.

Zabur 32:1-2

Biraq Qudaydıń Ózi nurda bolǵanı sıyaqlı, bizler de nurda júrsek, bir-birimiz benen qarım-qatnasta bolamız hám Onıń Ulı Iysanıń qanı bizlerdi hár qanday gúnadan tazalaydı.

1 Yuxan 1:7