Sunday, March 1, 2026

Bizler Qudaydıń bizlerge degen súyispenshiligin bilemiz hám oǵan isenemiz. Quday – súyispenshilik. Kim de kim súyispenshilik penen jasasa, ol Qudayda, Quday da onda boladı.

1 Yuxan 4:16

Sol úmit bizlerdi uyatqa qaldırmaydı. Óytkeni Quday bizlerge bergen Muxaddes Ruwxı arqalı júreklerimizdi Óz súyispenshiligine toltırdı.

Rimliler 5:5

Isenetuǵın sizler ushın bul tas qımbatlı. Al isenbeytuǵınlar ushın Ol: «Qurılısshılardıń kereksiz dep taslaǵan tası, Úydiń múyeshiniń tiykarǵı tası boldı».

1 Petr 2:7

Bizler bir-birimizdi súyemiz, óytkeni dáslep Quday bizlerdi súydi.

1 Yuxan 4:19

Usılay islewge bizlerdi Masiyxtıń súyispenshiligi májbúr etedi. Óytkeni bir Adam, yaǵnıy Masiyx hámme ushın ólgenlikten, hámme Onıń ólimine sherik bolǵan boladı, degen juwmaqqa keldik. Awa, Masiyx hámme ushın óldi. Solay eken, jasap atırǵanlar endi ózleri ushın emes, al ózleri ushın ólgen hám qayta tirilgen Masiyx ushın jasawı shárt.

2 Korinfliler 5:14-15

Biraq tuwısqanlıq súyispenshilik haqqında birewdiń sizlerge bir nárse jazıwına hájet joq. Óytkeni bir-birińizdi súyiwdi sizler Qudaydan úyrendińler.

1 Salonikalılar 4:9

Meniń buyrıǵım mınaw: Men sizlerdi qalay súygen bolsam, sizler de bir-birińizdi solay súyińler.

Yuxan 15:12

Eń baslısı, bir-birińizdi shın júrekten súyińler. Óytkeni súyispenshilik kóp gúnalardı juwadı.

1 Petr 4:8

Masiyx bizlerdi súyip, bizler ushın Qudayǵa unaytuǵın xosh iyisli sadaqa hám qurbanlıq bolıp, Ózin Qudayǵa baǵıshladı. Sol sıyaqlı, sizler de usınday súyispenshilik penen jasańlar.

Efesliler 5:2