Tuesday, February 24, 2026

Bir nárseni qáleysizler, biraq erise almaysızlar. Sonlıqtan adam óltiresizler. Kúnshillik etesizler, biraq qálegenińizge erise almaǵanlıqtan, jánjellesip urısasızlar. Sizler Qudaydan soramaǵanıńız ushın, almay atırsızlar.

Yaqıp 4:2

– Sorańlar, sizlerge beriledi. Izleńler, tabasızlar. Esikti qaǵıńlar, ol sizlerge ashıladı. Óytkeni soraǵan hár bir adam aladı, izlegen tabadı, esik qaqqanǵa ashıladı.

Matta 7:7-8

Bizlerde Oǵan degen mınaday batıllıq bar: Qudaydıń erkine say ne sorasaq ta, Ol bizlerdi esitedi. Eger ne sorasaq ta, Onıń esitetuǵının biletuǵın bolsaq, Onnan soraǵanlarımızdı alatuǵınımızdı da bilemiz.

1 Yuxan 5:14-15

Eger arańızdaǵı birińizdiń danalıǵı kem bolsa, hámmege saqıylıq penen, ayıplamay beretuǵın Qudaydan sorasın. Quday oǵan beredi.

Yaqıp 1:5

I am Yahweh, your God, who brought you up out of the land of Egypt. Open your mouth wide, and I will fill it.

Psalms 81:10

Iysa shákirtlerine bárqulla duwa etip, úmit úzbew kerekligin bildiriw ushın bir tımsal aytıp berdi.

Luka 18:1

Olar bolsa, jıǵılǵanımda jıynalıp, shad boldı, Maǵan qarsı jıynaldı biytanıs adamlar, Toqtamastan meni talap tasladı.

Zabur 34:15

Iyem, qashanǵa deyin qarap turasań? Qutqara gór janımdı olardıń hújiminen, Azat qıla gór bul arıslanlardan!

Zabur 34:17

Sol kúni Meniń atım menen Ákemnen soraysızlar. Sizler ushın Ákemnen Men sorayman, dep atırǵanım joq. Ákemniń Ózi sizlerdi súyedi, sebebi sizler Meni súyip, Meniń Ákemnen kelgenime isendińler.

Yuxan 16:26-27

Házirge deyin sizler Meniń atım menen hesh nárse soramadıńlar. Sorańlar, alasızlar, sonda quwanıshıńız tolı boladı.

Yuxan 16:24