Tuesday, February 17, 2026

Solay etip, Pilat Iysanı atanaq aǵashqa shegelew ushın áskerlerge tapsırdı. Áskerler Iysanı alıp ketti.

Yuxan 19:16

Sol jerde Iysanı hám Onıń menen birge eki adamdı atanaq aǵashqa shegeledi. Olardıń birewi oń tárepte, ekinshisi sol tárepte, al Iysa ortada edi.

Yuxan 19:18

Bas ruwxaniy gúna ushın qurbanlıqqa berilgen mallardıń qanın Eń muxaddes bólmege aparadı. Al shalınǵan mallardıń denesi ordanıń sırtında órtep jiberiledi. Sol sıyaqlı Iysa da Óz qanı menen adamlardı muxaddes qılıw ushın, qala dárwazasınıń sırtında azap shekti. Olay bolsa, bizler de Onıń kórgen xorlıǵın bólisiwimiz ushın, elattıń sırtına shıǵıp, Oǵan barayıq.

Evreyler 13:11-13

Qáne endi, Masiyxtıń Ózin hám Onıń qayta tiriliwiniń kúshin bilip alsam. Onıń azaplarına qatnasıp, ólimine de sherik bolsam.

Filipliler 3:10

Kerisinshe, Masiyxtıń azaplarına sherik bolǵanıńızǵa quwanıńlar. Solay etip, Masiyx saltanat penen kelgende, quwanıp shadlanasızlar.

1 Petr 4:13

Óytkeni házirgi ótkinshi hám arzımas qıyınshılıqlarımız bizlerge hádden tıs ullı hám máńgilik dańq alıp keledi.

2 Korinfliler 4:17