Sunday, February 15, 2026

Minsiz jasap, haq is qılǵanlar, Júrekten haqıyqattı sóylegenler. Basqalarǵa jala jawmaǵanlar, Dostına jamanlıq islemegenler, Jaqının uyatqa qaldırmaǵanlar.

Zabur 14:2-3

Kim de kim gúnakar tábiyatınıń jetelewi menen júrse, ol Qudayǵa unay almaydı.

Rimliler 8:8

Meniń ishimde, yaǵnıy gúnakar tábiyatımda hesh bir jaqsı nárseniń joq ekenin bilemen. Ishimde jaqsılıq islewge qálew bolsa da, kúshim jetpeydi. Óytkeni ózim islewdi qáleytuǵın jaqsı isti emes, al kerisinshe, islewdi qálemeytuǵın jaman isti isleymen.

Rimliler 7:18-19

Hámmemiz haram adamday boldıq, Tuwrı islerimiz de pataslanǵan kiyimge uqsaydı. Hámmemiz japıraq kibi solıp atırmız, Gúnalarımız bizdi samalday ushırıp áketip baratır.

Iyshaya 64:6

Biraq, Iysa Masiyxqa degen isenimge tiykarlanǵan wáde isengenlerge beriliw ushın, Muxaddes Jazıw pútkil barlıqtı gúnanıń tutqını dep járiyaladı.

Galatiyalılar 3:22

Yaǵnıy, Quday Masiyx arqalı dúnyanı Ózi menen jarastırıp, adamlardıń gúnaların esapqa almadı hám usı jarastırıwshı sózlerdi bizlerge berdi.

2 Korinfliler 5:19

Gúnamız joq desek, óz-ózimizdi aldaǵan bolamız hám bizlerde haqıyqatlıq bolmaydı. Eger gúnalarımızdı moyınlasaq, sadıq hám haq Quday gúnalarımızdı keshirip, bizlerdi hár qanday jamanlıqtan tazalaydı.

1 Yuxan 1:8-9