Monday, February 16, 2026

Masiyx bizlerdi súyip, bizler ushın Qudayǵa unaytuǵın xosh iyisli sadaqa hám qurbanlıq bolıp, Ózin Qudayǵa baǵıshladı. Sol sıyaqlı, sizler de usınday súyispenshilik penen jasańlar.

Efesliler 5:2

Isenetuǵın sizler ushın bul tas qımbatlı. Al isenbeytuǵınlar ushın Ol: «Qurılısshılardıń kereksiz dep taslaǵan tası, Úydiń múyeshiniń tiykarǵı tası boldı».

1 Petr 2:7

Sonlıqtan da, Quday Onı eń biyik mártebege eristirdi hám Oǵan barlıq atlardan joqarı turatuǵın attı berdi. Solay etip, Iysanıń atı atalǵanda aspandaǵılardıń, jerdegilerdiń hám jerdiń astındaǵılardıń barlıǵı dize búgip,

Filipliler 2:9-10

Óytkeni qudaylıq tábiyattıń pútkil tolılıǵı Masiyxtıń denesinde jasaydı.

Kolosalılar 2:9

– Eger Meni súyseńler, Meniń buyrıqlarımdı orınlaysızlar.

Yuxan 14:15

Sol úmit bizlerdi uyatqa qaldırmaydı. Óytkeni Quday bizlerge bergen Muxaddes Ruwxı arqalı júreklerimizdi Óz súyispenshiligine toltırdı.

Rimliler 5:5

Sonda Máriyam kishkene gúze menen júdá qımbat turatuǵın, sap nardtan alınǵan átir maydı alıp kelip, Iysanıń ayaqlarına jaqtı hám Onıń ayaqların shashları menen súrtti. Úydiń ishi átir maydıń xosh iyisine tolıp ketti.

Yuxan 12:3

Keńes aǵzaları Petr menen Yuxannıń bilimsiz hám qarapayım adamlar ekenin bayqap, olardıń batıllıǵın kórgende tań qalıstı. Olardıń Iysa menen birge bolǵanın bildi.

Elshiler 4:13

Atqarıwshılardıń jetekshisine. Gat tarlı ásbabında aytılatuǵın Dawıttıń jırı

Zabur 8:1

«Mine, qız hámiledar bolıp Ul tuwadı. Onıń atın Immanuel dep qoyadı». Immanuel – «Quday bizler menen birge» degen mániste.

Matta 1:23

Sebebi bizler ushın bir náreste tuwıldı, Bir ul inam etildi! Húkimdarlıq onıń jelkesine júklenedi, Onıń atı: Ájayıp Másláhátshi, Kúshli Quday, Máńgilik Áke, Paraxatshılıq Kósemi boladı.

Iyshaya 9:6

Jaratqan Iyeniń atı – bekkem qorǵan, Ádil oǵan qashıp, bas sawǵalar.

Hikmetler 18:10