Thursday, February 12, 2026

Seniń Maǵan dúnyadan bergen adamlarıńa Seniń atıńdı tanıttım. Olar Seniki edi, Sen olardı Maǵan berdiń hám olar Seniń sózlerińdi orınladı.

Yuxan 17:6

Olar ushın sorayman: dúnya ushın emes, Maǵan bergen adamlarıń ushın sorayman. Sebebi olar Seniki. Menikiniń hámmesi – Seniki hám Senikiniń hámmesi – Meniki. Men olar arqalı ullılandım.

Yuxan 17:9-10

Áke! Seniń Maǵan bergen adamlarıń Men bolatuǵın jerde Meniń menen birge bolıwın hám Sen Meni dúnya jaratılmastan burın súygenlikten, Seniń Maǵan bergen ullılıǵıńdı olardıń da kóriwin qáleymen.

Yuxan 17:24

Men barıp, sizler ushın orın tayarlaǵanımnan soń, sizler de Men bolatuǵın jerde bolıwıńız ushın, jáne kelip, sizlerdi Óz janıma alıp ketemen.

Yuxan 14:3

Iyemiz kelgen kúni Óz muxaddesleri tárepinen ullılanıp, pútkil iseniwshiler tárepinen alǵıslanadı. Olardıń arasında sizler de bolasızlar. Óytkeni bizlerdiń Ol haqqında bergen gúwalıǵımızǵa isendińler.

2 Salonikalılar 1:10

Onnan soń, jasap atırǵan bizler, yaǵnıy tiri qalǵanlar olar menen birge Iyemizdi hawada kútip alıw ushın, bultlar ishine alınıp kóterilemiz. Solay etip, hámme waqıt Iyemiz benen birge bolamız.

1 Salonikalılar 4:17

Sen Jaratqan Iyeniń qolındaǵı gózzallıq gúltajı, Qudayıńnıń qolındaǵı patshalıq tajı bolasań.

Iyshaya 62:3