Kúndelik Jarıq
Sol jerde iship-jep toyǵanıńızda, sizlerge bergen ónimdar el ushın, Qudayıńız Jaratqan Iyege shúkirlik bildirińler. Qudayıńız Jaratqan Iyeni umıtpańlar, búgin men sizlerge jetkerip atırǵan Onıń buyrıqların, nızamların hám qaǵıydaların orınlamay qalıwdan saq bolıńlar.
Nızamnıń qaytalanıwı 8:10-11
Olardıń ishindegi birewi óziniń shıpa tapqanın kórip, bálent dawıs penen Qudaydı alǵıslap, qaytıp keldi de, Iysanıń ayaǵına jıǵılıp, Oǵan minnetdarshılıq bildirdi. Bul adam samariyalı edi. Sonda Iysa: – Shıpa tapqan on adam emes pe edi? Qalǵan toǵızı qayaqta? Qudayǵa alǵıs aytıw ushın, mına shet elliden basqa hesh kim qaytıp kelmedi me? – dedi.
Luka 17:15-18
Quday jaratqan hár bir nárse jaqsı hám eger minnetdarshılıq penen qabıl etilse, hesh nársege tıyım salınbawı kerek. Óytkeni bizler hár bir nárseni Qudaydıń sózi boyınsha hám duwa etiw arqalı muxaddes dep qabıl etemiz.
1 Timofey 4:4-5
Kúnlerdi ayrıqsha qılıp belgileytuǵın olardı Iyemiz ushın belgileydi. Al hámme nárseni jeytuǵın adam Qudayǵa shúkirlik etip, olardı Iyemiz ushın jeydi. Ayırım nárselerdi jemeytuǵın adam da Iyemiz ushın jemeydi hám Qudayǵa shúkirlik etedi.
Rimliler 14:6
Jaratqan Iyeniń jarılqawı adamdı bayıtar, Ol baylıqqa ǵam-qayǵını qospas.
Hikmetler 10:22
Jaratqan Iyege alǵıslar ayt, háy janım! Qudayım Jaratqan Iye, Sen oǵada ullısań! Saltanat hám ullılıqqa bólengenseń, Shapanday etip nurǵa oranǵansań, Kóklerdi shatırday etip jayǵansań, Sarayıńdı joqarıdaǵı suwlardıń ústine qurǵansań, Bultlardı Ózińe sawash arbası qılǵansań, Samal qanatlarına minip keteseń. Samallardı Ózińe xabarshı, Ot jalınların xızmetker qılasań.
Zabur 103:1-4
Mukaddes Kitap úzindileri Daily Light on the Daily Path kitabıńan (jámiyetlik múlk).
Feb 6, 2026
1 Timothy 1:14
Feb 5, 2026
John 10:10
Feb 4, 2026
Deuteronomy 17:16
Feb 3, 2026
Haggai 2:4
Feb 2, 2026
1 Chronicles 4:10
Feb 1, 2026
1 Peter 1:8
Jan 31, 2026
Numbers 33:55
