Wednesday, February 25, 2026

Batıstaǵılar Jaratqan Iyeniń atınan, Shıǵıstaǵılar Onıń dańqınan qorqadı. Sebebi Jaratqan Iye Óz demi menen quwǵan, Tasqın suwday bolıp keledi.

Iyshaya 59:19

Sonda Iysa oǵan: – Joq bol kózimnen, shaytan! «Qudayıń Jaratqan Iyege sıyınıp, tek Oǵan xızmet et!» – dep Muxaddes Jazıwda aytılǵan, – dedi. Sonnan keyin, shaytan Onıń qasınan ketti. Sonda perishteler kelip, Iysaǵa xızmet etti.

Matta 4:10-11

Juwmaqlap aytqanda, Iyemiz benen qatnasta bolıp, Onıń qúdiretiniń kúshi menen bekkemlenip barıńlar. Shaytannıń hiylelerine qarsı tura alıw ushın, Qudaydıń barlıq sawıt-saymanları menen qurallanıńlar.

Efesliler 6:10-11

Qarańǵılıqtaǵı ómirdiń jemissiz islerine qatnaspańlar. Kerisinshe, olardı áshkara etińler.

Efesliler 5:11

Solay etip, shaytannıń awhaldan paydalanıp, pánt beriwine jol qoymayıq. Óytkeni bizler onıń jawız jobalarınan xabarsız emespiz.

2 Korinfliler 2:11

Saq hám sergek bolıńlar. Dushpanıńız shaytan kimdi jutsam eken dep, aqırǵan arıslanday bolıp gezip júr. Isenimde bekkem bolıp, shaytanǵa qarsı turıńlar. Sebebi dúnyanıń basqa jerlerindegi tuwısqanlarıńızdıń birdey azap shegip atırǵanınan xabarıńız bar.

1 Petr 5:8-9

Sebebi Qudaydan tuwılǵan hár bir adam dúnyanı jeńedi. Dúnya ústinen jeńiske erisken bizlerdiń isenimimiz boladı.

1 Yuxan 5:4

Qudaydıń tańlap alǵan adamları bolǵan bizlerdi kim ayıplay aladı? Qudaydıń Ózi bizlerdi aqlaydı-ǵo.

Rimliler 8:33