Saturday, February 21, 2026

Sonda sizler olardıń jerlerine iyelik etesizler. Sút hám pal aǵıp turǵan sol jerdi sizlerge múlik etip beremen, degen edim. Sizlerdi basqa milletlerden ajıratıp qoyǵan Qudayıńız Jaratqan Iye – Men bolaman.

Lebiyliler 20:24

Meniń aldımda muxaddes bolıńlar, óytkeni Jaratqan Iye bolǵan Men – muxaddespen. Maǵan tiyisli bolıwıńız ushın, sizlerdi basqa xalıqlardan ajıratıp aldım.

Lebiyliler 20:26

Men, Iysa Masiyxtıń qulı hám Yaqıptıń tuwısqanı Yahudadan, Ákemiz Quday tárepinen shaqırılǵanlarǵa sálem! Ákemiz Quday sizlerdi súyedi hám Iysa Masiyxtıń Ózi sizlerdi saqlap kelmekte.

Yahuda 1:1

Olardı haqıyqat penen muxaddes qıl. Seniń sóziń – haqıyqat.

Yuxan 17:17

Tınıshlıq beriwshi Qudaydıń Ózi sizlerdi tolıq muxaddes qılsın: pútkil ruwxıńız, janıńız hám deneńizdi Iyemiz Iysa Masiyxtıń keliwine kemshiliksiz qılıp saqlasın.

1 Salonikalılar 5:23

Sol sıyaqlı Iysa da Óz qanı menen adamlardı muxaddes qılıw ushın, qala dárwazasınıń sırtında azap shekti.

Evreyler 13:12

Jáne de, ol bizlerge házirshe, múbárek úmitimizdiń, yaǵnıy ullı Qudayımız hám Qutqarıwshımız bolǵan Iysa Masiyxtıń saltanat penen keliwin kúttiredi. Ol qun tólep bizlerdi hár bir nızamsız islerimizden azat etiw ushın hám jaqsılıq islewge intalı, ayrıqsha bir xalıqtı Ózine tazalap alıw ushın Óz janın baǵıshladı.

Titus 2:13-14

Óytkeni muxaddes qılıwshı Iysa hám Ol muxaddes qılǵan iseniwshilerdiń hámmesi bir Ákeden. Sonlıqtan Iysa olardı «tuwısqanlarım» dep atawǵa uyalmaydı.

Evreyler 2:11

Olar da haqıyqat penen muxaddes bolıwları ushın, Men Ózimdi olar ushın baǵıshlayman.

Yuxan 17:19

Iysa Masiyxqa boysınıp, Onıń qanı ústilerińizge sebilip tazalanıwıńız ushın, Quday Áke sizlerdi ázelden-aq tańlap aldı hám Muxaddes Ruwx sizlerdi muxaddes qıldı. Sizlerge miyrim hám tınıshlıq mol-mol etip berilsin!

1 Petr 1:2