Friday, February 20, 2026

Iysa onı tatıp kórip: – Orınlandı, – dedi de, basın iyip, jan tapsırdı.

Yuxan 19:30

Quday bizlerdiń gúnalarımızdı hesh qashan gúna islemegen Masiyxqa júkledi. Masiyx penen baylanısqa iye bolǵan bizler Quday aldında usı arqalı aqlandıq.

2 Korinfliler 5:21

Maǵan alǵıs-maqtaw aytıwı ushın, Ózim ushın jarattım bul xalıqtı.

Iyshaya 43:21

Solay etip, Qudaydıń maqseti – iseniwshiler jámááti arqalı aspandaǵı hákimshiliklerge hám biyliklerge Óziniń kóp qırlı aqıl-danalıǵın házir málim etiw. Quday usı máńgilik maqsetin Iyemiz Masiyx Iysa arqalı ámelge asırdı.

Efesliler 3:10-11

Quday Masiyx Iysa arqalı bizlerge rehim etip, Óz miyriminiń sheksiz baylıǵın keleshek dáwirlerde kórsetiw ushın usılay isledi.

Efesliler 2:7

Haqıyqat sózin, yaǵnıy qutqarılıw haqqında Xosh Xabardı esitip, Masiyxqa isengenińizde, sizler de wáde etilgen Muxaddes Ruwx penen mórlenip, Qudayǵa tiyisli boldıńlar. Qudayǵa tiyisli bolǵan bizlerdiń tolıq qutqarılıwımızǵa deyin bul Muxaddes Ruwx – Qudaydıń bizlerge wáde etken miyrasınıń kepili. Bulardıń hámmesi bizlerdiń ullı Qudaydı alǵıslawımız ushın boldı.

Efesliler 1:13-14

Biraq sizler Quday tárepinen tańlanǵan adamlar, Patshanıń ruwxaniyleri, muxaddes millet hám Qudayǵa tiyisli xalıqsız. Sizler ózlerińizdi qarańǵılıqtan Óziniń ájayıp nurına shaqırǵan Qudaydıń tań qalarlıq islerin járiyalaw ushın tańlandıńlar.

1 Petr 2:9