Wednesday, March 11, 2026

Jaratqan Iyeniń jarılqawı adamdı bayıtar, Ol baylıqqa ǵam-qayǵını qospas.

Hikmetler 10:22

Quwansın Sennen pana tapqanlar, Olar máńgi shadlanıp baqırsın. Atıńdı súygenler Sende yoshıw ushın, Olardı Óziń qorǵay gór!

Zabur 5:12

Diywalları bir-biri menen tutasqan, Erusalim bekkem qala bolıp salınǵan.

Zabur 121:3

Ol jerde húkim taxtları, Dawıt urpaǵınıń taxtları qurılǵan.

Zabur 121:5

Seniń diywallarıńnıń ishinde tınıshlıq, Qorǵanlarıńda biyqáterlik bolsın!» Tuwısqanlarım hám doslarım haqı, «Tınıshlıq bolsın saǵan!» – deymen.

Zabur 121:7-8

«Men, Jaratqan Iye onıń qarawılıman, Bárqulla onı suwǵarıp, Hesh kim zıyan tiygizbesin dep, Kúni-túni onı qarawıllayman.

Iyshaya 27:3

Men endi bul dúnyada emespen, biraq olar bul dúnyada. Men Saǵan baratırman, Muxaddes Áke, Maǵan bergen Óz atıńnıń kúshi menen olardı saqla, olar da Biz sıyaqlı bir bolsın. Men olar menen birge bolǵanımda, Seniń Maǵan bergen atıńnıń kúshi menen olardı qorǵap saqladım. Nabıt bolıwǵa tiyisli adamnan basqa olardan hesh biri nabıt bolmadı. Solay etip, Muxaddes Jazıw orınlandı.

Yuxan 17:11-12

Iyemiz meni hár qanday jamanlıqtan qutqaradı hám Óziniń Aspan Patshalıǵına aman-esen aparadı. Oǵan máńgi-baqıy alǵıs-maqtawlar bolsın! Awmiyin.

2 Timofey 4:18