Friday, March 13, 2026

Bul balalar et hám qannan ibarat bolǵanlıqtan, Iysanıń Ózi de olarǵa teńlesip, et hám qannan ibarat bolǵan adamnıń denesine iye boldı. Bunı Ol ólim ústinen biylikke iye bolǵandı, yaǵnıy shaytandı Óz ólimi arqalı nabıt qılıw ushın

Evreyler 2:14

Pútkil dúnya, Maǵan júz burıń, qutqarılasız! Men Qudayman, basqası joq.

Iyshaya 45:22

Balalarım! Men bulardı sizlerge gúna islemewińiz ushın jazıp atırman. Biraq eger birimiz gúna islep qoysaq, Ákeniń aldında Jaqlawshımız, haq bolǵan Iysa Masiyx bar.

1 Yuxan 2:1

Biraq burın Qudaydan uzaq bolǵan sizler endi Masiyx Iysa menen qatnas jasap, Masiyxtıń qanı arqalı Qudayǵa jaqın boldıńlar. Óytkeni Masiyxtıń Ózi – yahudiyler menen basqa milletlerdi birlestirgen biziń jarastırıwshımız. Ol Óz denesin qurban etip, aradaǵı ayırıp turǵan diywaldı, yaǵnıy dushpanlıqtı joq qıldı.

Efesliler 2:13-14

Masiyx teke hám tanalardıń qanı menen emes, al Óz qanı menen Eń muxaddes bólmege birinshi hám sońǵı mártebe kirip, bizlerge máńgilik qutqarılıw alıp keldi.

Evreyler 9:12

Solay etip, Quday tárepinen shaqırılǵanlardıń wáde etilgen máńgilik miyrastı alıwı ushın, Masiyx Quday menen adamlardıń arasında dúzilgen jańa kelisimniń táwelleshisi boldı. Óytkeni Ol adamlardı birinshi kelisimniń waqtında islegen gúnalarınan qutqarıw ushın, Ózin qurban etti.

Evreyler 9:15

Sonlıqtan Ol Ózi arqalı Qudayǵa kelgenlerdi pútkilley qutqaratuǵın kúshke iye. Sebebi Ol máńgige tiri bolıp, Qudaydan olar ushın ótinip soraydı.

Evreyler 7:25