Saturday, January 25, 2025

Iysa bul sózlerdi aytıp bolǵannan soń, kózlerin aspanǵa tigip bılay dedi: – Áke, waqıt keldi. Ulıń Seni ullılawı ushın, Sen de Ulıńdı ullıla.

Yuxan 17:1

Men endi bul dúnyada emespen, biraq olar bul dúnyada. Men Saǵan baratırman, Muxaddes Áke, Maǵan bergen Óz atıńnıń kúshi menen olardı saqla, olar da Biz sıyaqlı bir bolsın.

Yuxan 17:11

Ádil Áke! Dúnya Seni bilmeydi, biraq Men Seni bilemen. Bular da Meni Seniń jibergenińdi biledi.

Yuxan 17:25

– Áke, Ákejanım! Saǵan hámmesi múmkin. Bul azap kesesin Mennen awlaq qıl. Biraq Meniń emes, Seniń qálegeniń bolsın, – dedi.

Mark 14:36

Sizler endi Qudaydıń balaları boldıńlar. Sonlıqtan Ol Óz Ulınıń Ruwxın júreklerińizge jiberdi. Usı Ruwx arqalı sizler Qudaydı: «Áke, Ákejanım!» dep shaqırıwıńızǵa boladı.

Galatiyalılar 4:6

Ol arqalı bizler hámmemiz bir Muxaddes Ruwx penen Ákemiz Qudaydıń aldına bara alamız. Solay etip, endi sizler jat hám shet jerli adam emessizler, al muxaddeslerge watanlas, Qudaydıń shańaraǵınıń aǵzalarısız.

Efesliler 2:18-19

Sen bizlerdiń Ákemizseń! Ibrayım bizlerdi tán almasa da, Izrail bizlerdi qabıl almasa da, Jaratqan Iye, Sen bizlerdiń Ákemizseń, Ázelden atıń «Ámeńgerimiz» boldı.

Iyshaya 63:16

Qoy, ákeme barayın, oǵan: «Áke, men Qudayǵa hám saǵan qarsı gúna isledim. Endi seniń balań dep atalıwǵa ılayıqlı emespen. Meni jallanǵan jumısshılarıńnıń qatarına qabıl et», – dep aytayın, – depti. Solay etip, jigit ákesine qaray jolǵa shıǵıptı. Ol ele uzaqta kiyatırǵanda, ákesi ulın kórip, bawırı eljirep ketipti. Juwırıp barıp, ulın qushaqlap súye baslaptı.

Luka 15:18-20

Solay etip, Qudaydıń súyikli balaları bolǵan sizler Oǵan elikleńler!

Efesliler 5:1