Monday, January 20, 2025

Sizler Masiyxqa tiyislisiz, al Masiyx Qudayǵa tiyisli.

1 Korinfliler 3:23

Erinleriń eń jaqsı sharapqa uqsar. Bul sharap súyiklime, Onıń uyıqlap atırǵan erinlerine qaray aqsın.

Qosıqlar qosıǵı 7:10

Súyiklim meniki, men de onıkimen. Súriwin lala gúller arasında baǵadı ol.

Qosıqlar qosıǵı 2:16

Men Masiyx penen birge atanaq aǵashqa shegelengenmen. Endi jasap atırǵan men emes, al mende Masiyx jasap atır. Házir denede jasap atırǵan ómirimde meni súygen hám men ushın Ózin qurban etken Qudaydıń Ulına degen isenimim menen jasap atırman.

Galatiyalılar 2:20

Deneńizdiń ózlerińiz Qudaydan alǵan hám sizlerde jasap atırǵan Muxaddes Ruwxtıń ibadatxanası ekenligin bilmeysizler me? Sizler ózińizge tiyisli emessiz. Óytkeni Quday biybaha tólem tólep, sizlerdi satıp aldı. Sonlıqtan da, óz deneńiz benen Qudaydı alǵıslańlar.

1 Korinfliler 6:19-20

Sizlerge kelsek, Jaratqan Iye búgingidey Óziniń xalqı qılıw ushın, sizlerdi temir eritetuǵın oshaqtıń ishinen – Mısır jerinen alıp shıqtı.

Nızamnıń qaytalanıwı 4:20

Bizler Quday menen birge miynet etemiz. Al sizler – Qudaydıń atızı hám imaratısızlar.

1 Korinfliler 3:9

Biraq, Masiyx Qudaydıń shańaraǵın basqaratuǵın Ul sıpatında sadıq boldı. Eger ózlerimizdegi úmit sebepli payda bolatuǵın batırlıq hám quwanıshtı aqırına deyin bekkem saqlasaq, bizler – Onıń shańaraǵımız.

Evreyler 3:6

Sizler de tiri taslar sıyaqlısızlar. Sonlıqtan Quday sizlerdi ruwxıy Ibadatxana salıwda qollanıp, Iysa Masiyx arqalı Ózine unaytuǵın ruwxıy qurbanlıq beriwińiz ushın, muxaddes ruwxaniyler qılıp atır.

1 Petr 2:5

«Men belgilegen sol kúnde, olar Meniń ǵáziynem boladı», – deydi Álemniń Jaratqan Iyesi. «Áke ózine boysınǵan ulına qanday miyrim kórsetse, Men de olarǵa sonday miyrim kórsetemen.

Malaxiya 3:17

Menikiniń hámmesi – Seniki hám Senikiniń hámmesi – Meniki. Men olar arqalı ullılandım.

Yuxan 17:10

Qudaydıń shaqırıǵınan payda bolǵan úmitti hám Onıń muxaddeslerge bergen ullı miyrasınıń qanshelli bay ekenin biliwińiz ushın, júreklerińizdiń kózleri ashılsın dep, duwa etip atırman.

Efesliler 1:18