Monday, January 13, 2025

– Eger tuwısqanıń saǵan qarsı gúna islese, oǵan bar da, awlaqta sóylesip, ayıbın betine ashıq ayt. Eger ol sózińdi tıńlasa, onda tuwısqanıńdı ózińe qaytarıp alǵanıń boladı.

Matta 18:15

Sonda Petr Iysaǵa kelip: – Iyem, maǵan qarsı gúna islegen tuwısqanıma neshe ret keshirim beriwim kerek? Jeti retke deyin be? – dep soradı. Iysa oǵan: – Saǵan jeti retke deyin emes, al jetpis jerdegi jeti retke deyin keshirim ber, deymen.

Matta 18:21-22

Duwa etip turǵanıńızda, birewge ókpeli bolsańız, onı keshiriń, sonda aspandaǵı Ákeńiz de sizlerdiń gúnalarıńızdı keshiredi, – dedi. [

Mark 11:25

Qudaydıń tańlap alǵan muxaddes hám súyikli adamları sıpatında rehimlilik, jaqsılıq, kishipeyillik, múláyimlilik hám sabırlılıq penen jasańlar. Bir-birińizge shıdamlı hám keshirimli bolıńlar. Eger kim de kim birewden ókpeli bolsa, Iyemizdiń sizlerdi keshirgeni sıyaqlı, sizler de bir-birińizdi keshirińler.

Kolosalılar 3:12-13

Al bir-birińizge miyirman hám jan ashır bolıńlar. Quday sizlerdi Masiyx arqalı keshirgendey, sizler de bir-birińizdi keshirińler.

Efesliler 4:32

Sonda elshiler Iyemizge: – Isenimimizdi arttır, – dedi.

Luka 17:5