Tuesday, January 14, 2025

Kópler oǵan hayran qaldı. Onıń túr-túsi adamǵa uqsamaytuǵın sıqılsız, Kórinisi de adam ulına uqsamaytuǵın edi.

Iyshaya 52:14

Al ol bizlerdiń qılmıslarımız ushın jaraqatlandı, Bizlerdiń jınayatımız ushın azap shekti. Tınıshlıq alıwımız ushın beriletuǵın jazanı ol aldı, Onıń jaraları bizlerge shıpa berdi.

Iyshaya 53:5

Men hár kúni sizler menen birge Ibadatxanada bolǵanımda, Maǵan qarsı qol kótermedińler. Biraq endi zaman sizlerdiki, házir qarańǵılıq ústemlik etetuǵın waqıt.

Luka 22:53

Iysa juwap berip: – Saǵan Qudaydan berilmegende, sende Meniń ústimnen hesh qanday biylik bolmas edi. Sonlıqtan Meni saǵan uslap bergenniń gúnası seniń gúnańnan awırıraq, – dedi.

Yuxan 19:11

Gúna isley beretuǵın adam shaytannan. Óytkeni shaytan bastan baslap gúna islep kiyatır. Sonlıqtan Qudaydıń Ulı shaytannıń islerin joq qılıw ushın keldi.

1 Yuxan 3:8

Ol hár túrli awırıw menen awırǵan kóp adamlarǵa shıpa berdi hám kóp jinlerdi quwıp shıǵardı. Iysa jinlerdiń sóylewine ruxsat bermedi, óytkeni jinler Onıń kim ekenin biletuǵın edi.

Mark 1:34

Sonda Iysa olardıń qasına kelip: – Maǵan aspanda da, jerde de pútkil biylik berilgen.

Matta 28:18

Isengenler menen mınaday káramatlı belgiler birge boladı: Meniń atım menen jinlerdi quwıp shıǵarıp, jańa tillerde sóyleydi.

Mark 16:17

Tınıshlıq beriwshi Qudaydıń Ózi jaqın arada shaytandı ayaqlarıńızdıń astında ezip taslaydı. Iyemiz Iysanıń miyrimi sizlerge yar bolsın!

Rimliler 16:20