Monday, January 6, 2025

Doslar bar, ózin dos qılıp kórsetken, Biraq shın dos ta bar, tuwısqannan da jaqın.

Hikmetler 18:24

Eger sizler buyırǵanlarımdı orınlasańlar, Meniń doslarım bolasızlar. Bunnan bılay, sizlerdi «qul» dep atamayman. Óytkeni qul xojayınınıń ne isleytuǵının bilmeydi. Sizlerdi «doslarım» dep atayman. Sebebi Ákemnen esitkenlerimniń hámmesin sizlerge bildirdim.

Yuxan 15:14-15

Sol sıyaqlı sizler de ózlerińizge buyırılǵannıń hámmesin orınlaǵannan soń: «Bizler arzımaytuǵın qullarmız, tek wazıypamızdı ǵana orınladıq», – deńler.

Luka 17:10

Sebebi sizler ózlerińizdi jáne qul etip, qorqınısh beretuǵın ruwxtı emes, al ózlerińizdi Qudayǵa bala qılǵan Muxaddes Ruwxtı qabıl ettińiz. Usı Ruwx arqalı Qudaydı: «Áke, Ákejanım!» dep shaqırasız.

Rimliler 8:15

Hesh nárseden táshiwish shekpeńler. Al hámme nárse ushın Qudayǵa duwa etip hám jalbarınıp, hár bir tilegińizdi Oǵan shúkirlik penen bildirińler.

Filipliler 4:6

Nahaqtıń qurbanlıǵınan Jaratqan Iye jerkener, Haq adamnıń duwası Oǵan unar.

Hikmetler 15:8