Sunday, January 19, 2025

Nux jerdi tárbiyalap, júzim egiwge kiristi. Ol sharap iship, más bolıp qaldı hám óziniń shatırında jalańash jattı.

Jaratılıs 9:20-21

Olar Mısırǵa jaqınlaǵanda, Ibram hayalı Sarayǵa bılay dedi: – Men seniń sulıw hayal ekenińdi bilemen.

Jaratılıs 12:11

Olarǵa: «Onıń qarındasıman», – dep ayt. Sonda sen sebepli olar maǵan jaqsı qatnasta boladı hám men aman qalaman.

Jaratılıs 12:13

Sonda Ísaq Yaqıpqa: – Jaqınıraq kel, ulım. Sen ırasında da, ulım Esawsań ba yamasa ol emesseń be, sonı biliw ushın seni bir sıypalap kóreyin, – dedi.

Jaratılıs 27:21

jáne onnan: – Sen ırasında da, ulım Esawmısań? – dep soradı. – Awa, Esawman, – dep juwap berdi Yaqıp.

Jaratılıs 27:24

Onı ullılasın jámiyet ishinde, Alǵıslar aytsın aqsaqallar jıyınında. Ol dáryalardı shólge, Bulaqlardı kewip qalǵan jerge aylandıradı.

Zabur 106:32-33

Izraillılar Jaratqan Iye menen keńespesten, gibonlılardıń azıqlarınan alıp, tatıp kórdi. Eshua olardı aman qaldıratuǵınına sóz berip, olar menen paraxatshılıq kelisimin dúzdi. Jámiyet basshıları da kelisimge sadıq qalatuǵınına ant ishti.

Eshua 9:14-15

Sebebi xet xalqınan bolǵan Uriyaǵa islegen isin esapqa almaǵanda, Dawıt Jaratqan Iyeniń názerinde durıs bolǵan islerdi islep, pútkil ómiri boyı Onıń buyrıqlarınıń hesh birin orınlawdan bas tartpaǵan edi.

3 Patshalar 15:5

Olardıń hámmesi de isenimi sebepli Quday tárepinen xoshametlengen bolsa da, wáde etilgendi almadı.

Evreyler 11:39

Biraq, adamlar Qudaydıń miyrimi menen, Iysa Masiyxtıń qanı arqalı esheyin aqlanadı.

Rimliler 3:24

Bizlerdiń hámmemiz qoylarday joldan adastıq, Hár birimiz óz jolımızdan kettik. Jaratqan Iye oǵan hámmemizdiń qılmısımızdı júkledi.

Iyshaya 53:6

Bunı sizler ushın islep atırǵanım joq, – deydi Quday Iye, – mınanı bilip qoyıń: Izrail xalqı, tutqan jollarıńız ushın qızarıp, uyalıń.

Ezekiel 36:32