Thursday, January 23, 2025

Sonda Iysa Óz shákirtlerine: – Kim de kim Maǵan ergisi kelse, ózinen keshsin hám óz atanaq aǵashın arqalap, Meniń izime ersin.

Matta 16:24

Háy, opasızlar! Dúnya menen dos bolıwdıń Qudayǵa dushpanlıq ekenin bilmeysizler me? Dúnyanıń dostı bolıwdı qálegen adam ózin Qudayǵa dushpan qıladı.

Yaqıp 4:4

Jol-jónekey shákirtlerdiń janlarına kúsh-quwat berip, isenimde bekkem turıwdı úgit-násiyat etti de: «Qudaydıń Patshalıǵına kiriwimiz ushın, kóp qıyınshılıqlardan ótiwimiz tiyis», – dedi.

Elshiler 14:22

Muxaddes Jazıwda: «Minekey, Men Sionda bir tastı, Súrniktiretuǵın tas, qulatatuǵın jartastı ornataman. Biraq, Oǵan isengen adam hesh qashan uyatqa qalmaydı», – delingen.

Rimliler 9:33

Isenetuǵın sizler ushın bul tas qımbatlı. Al isenbeytuǵınlar ushın Ol: «Qurılısshılardıń kereksiz dep taslaǵan tası, Úydiń múyeshiniń tiykarǵı tası boldı». Jáne de, «Súrniktiretuǵın tas, qulatatuǵın jartas boldı». Isenbeytuǵınlar Qudaydıń sózin tıńlamaǵanı ushın súrnigedi. Bul olardıń táǵdirine jazılǵan.

1 Petr 2:7-8

Al men Iyemiz Iysa Masiyxtıń atanaq aǵashınan basqa bir nárse menen hesh qashan maqtanbayman. Usı atanaq aǵash arqalı dúnya men ushın ólgen, men de dúnya ushın ólgenmen.

Galatiyalılar 6:14

Men Masiyx penen birge atanaq aǵashqa shegelengenmen. Endi jasap atırǵan men emes, al mende Masiyx jasap atır. Házir denede jasap atırǵan ómirimde meni súygen hám men ushın Ózin qurban etken Qudaydıń Ulına degen isenimim menen jasap atırman.

Galatiyalılar 2:20

Iysa Masiyxqa tiyisli bolǵanlar óz tábiyatın qálewleri hám nápsileri menen birlikte atanaq aǵashqa shegelep qoyǵan.

Galatiyalılar 5:24

Eger sabırlılıq qılsaq, Onıń menen birge patshalıq etemiz. Eger Onnan waz keshsek, Ol da bizden waz keshedi.

2 Timofey 2:12