Friday, January 24, 2025

Men súyiklimniń júzimzarı tuwralı jır aytıp bereyin: Topıraǵı ónimdar bir tóbede, Súyiklimniń júzimzarı bar edi. Ol jerdi awdarıp, tastan tazalap, Saylandı nállerdi ekti. Onıń ortasına gúzet minarasın ornatıp, Júzim sıǵatuǵın shuqır qazdı. Ol baǵınan jaqsı júzim kútti, Biraq baǵ jabayı júzim berdi.

Iyshaya 5:1-2

Men seni hasıl tuqımnan, Saylandı júzim aǵashınan ekken edim. Biraq sen nege aynıp qalıp, Jabayı júzim aǵashına aylandıń?

Eremiya 2:21

Adamnıń gúnakar tábiyatınıń isleri ayan, olar: neke hadallıǵın buzıw, haramılıq, buzıqshılıq,

Galatiyalılar 5:19

qızǵanshaqlıq, máskúnemshilik, ayshı-áshiret hám usılarǵa uqsaǵan nárseler. Sizlerdi aldın eskertkenimdey, jáne eskertip atırman: usınday is-háreketlerdi islewshiler Qudaydıń Patshalıǵın miyras etip almaydı. Biraq, adam ómirinde jetistiretuǵın Muxaddes Ruwxtıń jemisi – súyispenshilik, quwanısh, tınıshlıq, sabırlılıq, miyrimlilik, qayırqomlıq, sadıqlıq, múláyimlilik hám ózin tutıp biliw. Bunday islerge qarsı hesh qanday nızam joq.

Galatiyalılar 5:21-23

– Men – haqıyqıy júzim aǵashıman, al Ákem baǵman. Mendegi jemis bermeytuǵın hár bir shaqanı Ol kesip taslaydı. Jemis beretuǵın hár bir shaqanı jáne de kóbirek jemis bersin dep, putap tazalaydı.

Yuxan 15:1-2

Mende bolıńlar, Men de sizlerde bolaman. Aǵashta bolmaǵan shaqa óz-ózinen jemis bere almaǵanı sıyaqlı, sizler de Mende bolmasańlar, jemis bere almaysızlar.

Yuxan 15:4

Sizler kóp jemis berseńler, Ákem ullılanadı. Sonda Meniń shákirtlerim bolasızlar.

Yuxan 15:8