Wednesday, January 22, 2025

Janım tek ǵana Qudayda tınıshlıq tabar, Qutqarılıw maǵan Onnan keler.

Zabur 61:2

Men qarlıǵash yaki tırna kibi baqırdım, Kepter kibi zarladım. Joqarıǵa qarawdan kózlerim taldı, Men zulımlıqqa ushıradım, járdem ber, Iye!

Iyshaya 38:14

Cast your burden on Yahweh, and he will sustain you. He will never allow the righteous to be moved.

Psalms 55:22

O Qudayım Jaratqan Iye, Sen Óz qulıńdı ákem Dawıttıń ornına patsha etip qoydıń. Biraq men ele júdá jaspan, basqarıwǵa ele tájiriybem joq.

3 Patshalar 3:7

Eger arańızdaǵı birińizdiń danalıǵı kem bolsa, hámmege saqıylıq penen, ayıplamay beretuǵın Qudaydan sorasın. Quday oǵan beredi.

Yaqıp 1:5

Bizler Xosh Xabardı járiyalaǵan waqtımızda, nabıt bolıp atırǵanlar ushın ólimge aparatuǵın ólim iyisimiz. Al qutqarılıp atırǵanlar ushın ómir beretuǵın ómir iyisimiz. Negizinde, bunday xızmetke ılayıqlı hesh kim joq!

2 Korinfliler 2:16

Meniń ishimde, yaǵnıy gúnakar tábiyatımda hesh bir jaqsı nárseniń joq ekenin bilemen. Ishimde jaqsılıq islewge qálew bolsa da, kúshim jetpeydi.

Rimliler 7:18

Biraq, Iyemiz maǵan: «Saǵan bergen miyrimim jeterli. Sebebi Meniń qúdiretim hálsizlik arqalı tolıq kórsetiledi», – dedi. Sonlıqtan Masiyxtıń qúdireti mende bolsın dep, men hálsizliklerime ele de kóbirek quwanıp, olar menen maqtana beremen.

2 Korinfliler 12:9

Sonda adamlar tóseginde jatırǵan bir láń adamdı kóterip, Oǵan alıp keldi. Iysa olardıń isenimin kórip, láń adamǵa: – Balam, jigerli bol, gúnalarıń keshirildi! – dedi.

Matta 9:2

Iysa burılıp, onı kórdi de: – Qızım, jigerli bol, isenimiń seni qutqardı! – dedi. Hayal sol waqıtta-aq shıpa taptı.

Matta 9:22

Olar ayıpsızǵa oq atıw ushın buqqıda jatadı, Oǵan kútilmegende qorqpastan atadı. Bir-biriniń jawız niyetlerin qollap quwatlaydı, Jasırın duzaq qurıw ushın til biriktiredi, «Bunı kim kórer edi?» – desedi.

Zabur 63:5-6