Бүгү рухтуг белектер Бургандан келир, ынчалза-даа Тимофейге бердинген бо тускай медээлер ооң белегиниң өзүл-дөжүлүүндe өскелер база улуг рольду ойнаан деп чугаалап турар. Эртеги үениң делегейи кижиниң салым-хуузун илередип азы тускай аргаларны дамчыдып шыдаар мистиктер дугайында чугаалап турган, ынчалза-даа бис бо шүлүктерни ындыг хевирде тайылбырлавас бис. Ооң орнунга, харыысалгалыг христиан улуг назылыглар Тимофей бичии тургаш ооң-биле чоок харылзаалыг турган боор. Чагыг-сүрүүрүглер ооң-биле чугаалажып: «Бурганның сениң чуртталгаңда ажылдап турарын көрүп тур бис! Ооң сеңээ кылыр чүүлү бар. Ооң-биле шынчы бол!» — деп чугаалаан боор. Оон, Тимофей Павел-биле кады аян-чорук кылып чорааш, Бурганның белеги ооң иштинде элчинниң чоок харылзаазы болгаш үлегери таварыштыр оон-даа сайзыраан.
Бис база бүзүреливисте быжыгып өзүп келгеш, бистиң соондан келир улусту база бодаар ужурлуг бис. Аныяк христианнарның билир чаңгыс-ла «холдарны салыры» улуг назылыгларның харыысалгалыг эдилгези болза, кандыг муңгаранчыг! Улуг назылыглар аныяктар-биле шын харылзаа тудуп, Бурганның оларны улуг чүүлдерге ажыглаксап турарын «медээ» сөстер-биле чугаалаар болза, кандыг чараш! Павелдиң Тимофей-биле кылганы дег, чаңгыс-чаңгыс өөредилгелер база кандыг дузалыг!
Оон аңгыда, Тимофейниң авазы биле кырган-авазындан Бурганныг салдарлар турган (2 Тим. 1:5). Бүгү бүзүрээчилер христиан өг-бүлеге өзүп келбээн, ынчалза-даа бистиң аныяк үелеривисте кым-бир кижи бистиң дээш мөргүп турган деп үргүлчү шын болур. Оон аңгыда, Ыдыктыг Бижилгелер боттары Тимофейниң рухтуг өзүл-дөжүлүүндe удуртуп турган (3:15) — болгаш ам-даа олар бистиң чуртталгавыста Дээрги-Чаяакчы дээш кандыг-даа өзүл-дөжүлгениң чугула элементизи болуп турар. Бис шупту тускай бис, болгаш Бурган бистиң чуртталгавыста аңгы-аңгы салдарларны кады өрүп, Ооң дээш бараан болурувуста аргалар болгаш шыдалдарның чечектерин тургузуп турар.
