Thursday, July 30, 2026

Danalıqtı hám aqıl-parasattı iyele, Sózlerimdi umıtpa, olardan júz burma.

Hikmetler 4:5

Biraq joqarıdan túsken danalıq birinshiden pák, sońınan tatıw, múláyim, boysınıwshı, miyrim-shápáátke hám jaqsı jemislerge tolı. Ol ádalatsız hám eki júzli emes.

Yaqıp 3:17

Tereń suwlar: «Ol mende emes», – der, Teńiz de: «Ol meniń janımda da emes», – der.

Ayup 28:14

Masiyxqa isenip, suwǵa shomıldırılıw arqalı Onıń menen birge ólip, kómildik. Solay etip, Quday Ákemizdiń qúdireti menen Masiyxtıń ólimnen qayta tirilip, ómirge eriskenindey, bizler de jańa ómirge erisemiz. Eger bizler Masiyxtıń ólimine sherik bolıp, Onıń menen birlesken bolsaq, onda Onıń qayta tiriliwine de sherik bolıp, Onıń menen birlesemiz.

Rimliler 6:4-5

Minekey, bizlerdi qorshaǵan usınday kóp sanlı gúwalar toparı bar eken. Sonlıqtan bizler de kesent beretuǵın hár bir júkti hám ózlerimizge tez jabısatuǵın gúnanı taslap, Quday aldımızǵa qoyǵan jarısta shıdamlılıq penen juwırayıq.

Evreyler 12:1

Biraq, miyrim-shápáátke bay bolǵan Quday bizlerdi sonshelli súygenlikten, gúnalarımız sebepli óli bolsaq ta, bizlerdi Masiyx penen birge tiriltti. Sizler Onıń miyrimi menen qutqarıldıńız. Bizler Masiyx Iysa menen qatnasta bolǵanlıqtan, Quday bizlerdi Masiyx penen birge tiriltip, Onıń menen birge aspandaǵı orınlardan berdi.

Efesliler 2:4-6

Usılay sóylegen adamlar óz watanın izlep júrgenin kórsetedi.

Evreyler 11:14

Háy, Jaratqan Iyeniń nızamlarına ámel qılatuǵınlar, Eldegi barlıq kishipeyilliler, Jaratqan Iyege keliń. Haq hám kishipeyil bolıwǵa umtılıń. Sonda Jaratqan Iyeniń ǵázep kúninde aman saqlanıwıńız múmkin.

Sefaniya 2:3