Sunday, July 26, 2026

Quday onıń bekinisi ishinde, Onıń bekkem qorǵanı bolıp Ózin tanıttı.

Zabur 47:4

Jaratqan Iye Izraildı shólden, Ízǵırǵan qula dúzden tawıp aldı, Onı orap alıp, ǵamxorlıq qıldı, Kóziniń qarashıǵınday etip qorǵadı. Inindegilerin oyatıp atırǵan, Óz palapanların dógereklep aylanǵan, Qanatların jayıp, palapanların kótergen, Qanatları ústinde olardı alıp júrgen búrkittey, Jaratqan Iye jalǵız Ózi Izraildı alıp júrdi, Jat qudaydıń hesh qanday járdemisiz.

Nızamnıń qaytalanıwı 32:10-12

Ámeńgeriń, Izraildıń Muxaddesi, Jaratqan Iye bılay deydi: «Saǵan paydalı nárselerdi úyretetuǵın, Júriwiń kerek bolǵan joldan jeteleytuǵın, Qudayıń Jaratqan Iye Men bolaman.

Iyshaya 48:17

– Bilip qoyıńız, Qudaydıń qúdireti ullı, Ol kibi tálim beretuǵın ustaz bar ma?

Ayup 36:22

Óytkeni bizler kózge kórinetuǵın nárselerge emes, al isenimimizge súyenip jasaymız.

2 Korinfliler 5:7

Sebebi bul jerde bizlerdiń máńgilik qalamız joq. Bizler keleshekte aspannan túsetuǵın qalanı árman etemiz.

Evreyler 13:14

Súyikli tuwısqanlarım, bul dúnyada jat jerli hám qonaq bolǵan sizlerge jalbarınaman, janıńızǵa hár qashan qarsı turatuǵın deneniń jaman qálewlerinen qashıńlar.

1 Petr 2:11

Qánekey, turıń, ketiń bul jerden! Artıq aman-esenlik taba almaysız bul elden! Óytkeni gúnańız sebepli elińiz tolıq wayran boldı».

Mixa 2:10