Tuesday, April 7, 2026

Iysa Masiyx arqalı Qudaydıń miyrimine isenimimiz benen iye bolıp jasamaqtamız. Jáne de, Qudaydıń ullılıǵına erisiwden úmit etip, quwanamız. Bizler tek bul sebepli emes, al qıyınshılıqlar sebepli de quwanamız. Sebebi qıyınshılıqlardan sabırlılıq,

Rimliler 5:2–3

Meniń sizlerge degen isenimim kúshli hám men sizler menen kóp maqtanaman. Qıyınshılıqlarımız kóp bolsa da, men sizler sebepli sheksiz quwanısh alıp, jubanıshqa bólendim.

2 Korinfliler 7:4

Sizler Masiyxtı kórmegen bolsańız da, Onı súyesizler. Házir Onı kóre almasańız da, Oǵan isenip, sóz benen aytıp jetkiziwge qıyın bolǵan bir ájayıp hám ullı quwanısh penen shadlanbaqtasızlar.

1 Petr 1:8

Olar awır qıyınshılıqlar menen sınalǵan bolsa da, quwanıshqa toldı, júdá kámbaǵal bolsa da, sheksiz saqıylıq kórsetti.

2 Korinfliler 8:2

Men barlıq muxaddesler ishinde eń arzımaǵanı bolsam da, basqa milletlerge Masiyxtıń sheksiz baylıǵı haqqında járiyalaw ushın, Quday maǵan usı miyrimin berdi. Jáne de, hámme nárseni jaratqan Quday Ózinde áwelden-aq saqlanǵan sırlı jobasın hámmege ashıp beriw ushın da, maǵan usı miyrimin berdi.

Efesliler 3:8–9

Qulaq salıńlar, súyikli tuwısqanlarım: Quday bul dúnyada jarlı bolǵanlardı isenimde bay bolıwı hám Ózin súygenlerge wáde etken Patshalıǵınıń miyrasxorları bolıwı ushın tańlamadı ma?

Yaqıp 2:5

Jáne de, Quday sizlerdi mol miyrim menen bayıtıwǵa qúdiretli. Solay etip, barlıq waqıtta hámme nárseńiz jeterli bolıp, hár qanday jaqsı iske bay bolasızlar.

2 Korinfliler 9:8