Saturday, April 4, 2026

Sizler jaqınlaǵan taw – kózge kórinetuǵın, lawlap janǵan, qarańǵılıq penen túnekke shókken, dawıl basqan,

Evreyler 12:18

Biraq sizler Sion tawına, yaǵnıy tiri Qudaydıń qalası – aspandaǵı Erusalimge, ondaǵı mıń-mıńlaǵan perishtelerdiń quwanıshlı jıyınına hám atları aspanda jazılǵan, Qudaydıń tuńǵısh balaları sıyaqlı bolǵan birinshi iseniwshiler jıynaǵına jaqınladıńlar. Sizler jáne de hámme adamdı húkim etiwshi Qudayǵa, minsizlikke erisken haq adamlardıń ruwxlarına, jańa kelisimniń táwelleshisi Iysaǵa hám Abıldıń qanınan da artıq bolǵan Iysanıń keshirim beretuǵın sebilgen qanına jaqınladıńlar.

Evreyler 12:22-24

Isenimimizdiń tiykarın salıwshı hám onı minsizlikke eristiriwshi Iysaǵa kóz tigeyik. Ol Ózin kútip turǵan quwanısh ushın, atanaq aǵashta shegeleniwdiń shermendeshiligin pisent etpey ólimge barıp, Qudaydıń taxtınıń oń jaǵına otırdı.

Evreyler 12:2

Ol – bizlerdiń hálsizliklerimizdi bólise alatuǵın bas ruwxaniy. Onıń Ózi hár tárepleme bizler sıyaqlı sınaldı, biraq gúna islemedi. Sonlıqtan rehimlilik alıw ushın hám kerek waqtında ózlerimizge járdem etetuǵın miyrimge erisiw ushın, Qudaydıń miyrimge iye taxtına batıllıq penen jaqınlayıq.

Evreyler 4:15-16

Izraildıń Patshası hám Ámeńgeri Jaratqan Iye, Álemniń Jaratqan Iyesi bılay deydi: «Men birinshi hám sońǵıman, Mennen basqa quday joq.

Iyshaya 44:6

Sebebi bizler ushın bir náreste tuwıldı, Bir ul inam etildi! Húkimdarlıq onıń jelkesine júklenedi, Onıń atı: Ájayıp Másláhátshi, Kúshli Quday, Máńgilik Áke, Paraxatshılıq Kósemi boladı.

Iyshaya 9:6

Jaratqan Iye, Muxaddes Qudayım, Hámme waqıtta bar bolǵan Sen emesseń be? Solay eken, bizler joq bolıp ketpeymiz. O, Jaratqan Iye, bizlerdi jazalaw ushın, kaldeylerdi tańladıń, O, meniń qorǵawshı Jartasım, jazalaw huqıqın solarǵa berdiń.

Xabaqquq 1:12

Jaratqan Iyeden basqa Quday bar ma? Qudayımızdan basqa qorǵawshı jartas bar ma?

2 Patshalar 22:32