Sunday, April 5, 2026

Yamasa olar Mennen pana izlep kelsin, Meniń menen kelisim dúzsin, Awa, Meniń menen kelisim dúzsin».

Iyshaya 27:5

Sonda Iysa oǵan: – Háy, hayal, seniń isenimiń kúshli eken, tilegeniń bolsın, – dedi. Onıń qızı sol waqıtta-aq jazılıp ketti.

Matta 15:28

Sonda Iysa olardıń kózlerine qolın tiygizip: – Sizlerge isenimińiz boyınsha bolsın, – degende,

Matta 9:29

Biraq hesh gúmanlanbastan, isenim menen sorasın. Óytkeni gúmanlanǵan adam samal menen shayqatılıp tınıshsızlanǵan teńiz tolqınına uqsaydı. 7-8 Óziniń pútkil jollarında turaqsız bolǵan, bunday eki oylı adam Iyemizden bir nárse alaman, dep oylamasın.

Yaqıp 1:6-7

Olar ózleri baratırǵan awılǵa jaqınlaǵanda, Iysa Ózin jolın dawam etetuǵın qılıp kórsetti. Biraq olar: – Bizler menen birge qal, kún batıwǵa shamalasıp, kesh bolajaq, – dep Onnan ótindi. Solay etip, Iysa olar menen birge qalıw ushın awılǵa kirdi.

Luka 24:28-29

Sonda ǵana olardıń kózleri ashılıp, Onı tanıdı. Biraq Iysa kózden ǵayıp boldı. Olar bir-birine: – Ol jolda bizler menen sóylesip, Muxaddes Jazıwlardı túsindirgende, júreklerimiz quwanıshqa tolmaǵan ba edi? – dedi.

Luka 24:31-32

Eger men Seniń miyrimińe erisken bolsam, ótinemen, maǵan Óz jolıńdı kórset. Seni ele de jaqsı bilip, miyrimińe erisip barayın. Bul xalıqtıń Óz xalqıń ekenin umıtpa. Jaratqan Iye Muwsaǵa: – Ózim Seniń menen birge baraman hám seni tınıshlıqqa eristiremen, – dedi.

Shıǵıw 33:13-14