Tuesday, March 31, 2026

Eń aldı menen Qudaydıń Patshalıǵın hám Onıń haqlıǵın izleńler! Sonda bulardıń hámmesi sizlerge qosımsha etip beriledi.

Matta 6:33

Quday, hátte, Óz Ulın da ayamay, Onı bizlerdiń hámmemiz ushın qurbanlıq qılıp baǵıshlaǵan bolsa, Onıń menen birlikte bizlerge hámme nárseni bermes pe eken?

Rimliler 8:32

Sonlıqtan hesh bir adam adamlar menen maqtanbasın. Óytkeni hámmesi sizlerge tiyisli: Pavel de, Apollos ta, Kifa da, dúnya da, ómir hám ólim de, házirgi hám keleshek zaman da, hámmesi sizlerge tiyisli. Sizler Masiyxqa tiyislisiz, al Masiyx Qudayǵa tiyisli.

1 Korinfliler 3:21-23

Bizlerdi qapa qıladı, biraq bizler bárqulla quwanıshlımız. Jarlımız, biraq kóp adamlardı bayıtamız. Hesh nársemiz bolmasa da, hámme nársege iyemiz.

2 Korinfliler 6:10

Dawıttıń jırı Jaratqan Iyege tiyisli jer júzi hám onı toltırıp turǵanlar, Álem hám onda jasaytuǵınlar.

Zabur 23:1

Súyispenshilik hám sadıqlıq ushırasadı, Ádillik penen tınıshlıq súyisedi.

Zabur 84:11

Bul dúnyadaǵı bay adamlarǵa menmen bolmawdı hám ótkinshi baylıqtan úmit etpewdi buyır. Al olar ráhát kóriwimiz ushın bizlerge hámme nárseni mol-mol etip beretuǵın Qudaydan úmit etsin.

1 Timofey 6:17

Jáne de, Quday sizlerdi mol miyrim menen bayıtıwǵa qúdiretli. Solay etip, barlıq waqıtta hámme nárseńiz jeterli bolıp, hár qanday jaqsı iske bay bolasızlar.

2 Korinfliler 9:8