Tuesday, March 24, 2026

Isenimsizlik etip, Qudaydıń wádesi tuwralı ekilenbedi. Kerisinshe, isenimi kúsheyip, Qudaydı alǵısladı. Qudaydıń Óz wádesin orınlaytuǵın kúshke iye ekenine ol tolıq isendi. Áne, usı isenimi sebepli, Ibrayım haq dep sanaldı. «Haq dep sanaldı», – degen sózler tek Ibrayımǵa emes, al bizlerge de tiyisli etip jazılǵan. Bizler de Iyemiz Iysanı ólimnen tiriltken Qudayǵa degen isenimimiz benen aqlanǵan bolıp esaplanamız.

Rimliler 4:20-24

Sebebi Muxaddes Nızamdı orınlaǵanı arqalı emes, al isenimi arqalı aqlanıwı ushın, Quday Ibrayımǵa hám onıń urpaqlarına dúnyanıń miyrasxorları bolatuǵının wáde etti.

Rimliler 4:13

Qudaydıń adamdı aqlaytuǵını Xosh Xabarda ashıq kórsetilgen. Aqlanıw isenim arqalı baslanıp, isenim arqalı dawam etedi. Muxaddes Jazıwda aytılǵanday: «Haq adam isenimi menen jasaydı».

Rimliler 1:17

Ózlerimiz tán alǵan úmitimizdi ekilenbey bekkem saqlayıq. Sebebi wáde bergen Quday sadıq.

Evreyler 10:23

Maǵan qılǵan sonshelli kóp jaqsılıqların, Jaratqan Iyege qalay qaytaraman?

Zabur 115:3

Sebebi Qudaydıń qolınan kelmeytuǵın nárse joq, – dedi.

Luka 1:37

Isengen hayal qanday baxıtlı! Óytkeni Jaratqan Iyeniń oǵan aytqanları orınlanadı.

Luka 1:45