Wednesday, March 25, 2026

Men seniń menen birgemen. Qay jerge barsań da, Men seni qorǵayman hám seni jáne usı jerge qaytaraman. Saǵan bergen wádemdi orınlamaǵanımsha, seni taslap ketpeymen».

Jaratılıs 28:15

Kúshli hám batır bolıńlar! Olardan qorqıp, seskenip júrmeńler. Óytkeni Qudayıńız Jaratqan Iye sizler menen birge baradı. Ol sizlerdi tárk etpeydi hám taslap ketpeydi».

Nızamnıń qaytalanıwı 31:6

Sebebi Dimas bul dúnyanı súygenlikten meni taslap, Salonikaǵa ketti. Al Kriskiy Galatiyaǵa, Titus Dalmatiyaǵa ketti.

2 Timofey 4:10

Birinshi márte ózimdi aqlamaqshı bolıp juwap bergenimde, meni hesh kim jaqlamadı. Kerisinshe, hámme meni taslap ketti. Bunıń ushın Quday olardı keshirsin. Biraq, Qudaydıń Xosh Xabarı men arqalı tolıq járiyalanıwı ushın hám pútkil milletler bunı esitiwi ushın, Iyemiz maǵan járdemge kelip, kúsh-quwat berdi. Ol meni arıslannıń awzınan qutqarıp qaldı.

2 Timofey 4:16-17

When my father and my mother forsake me, then Yahweh will take me up.

Psalms 27:10

Meniń sizlerge buyırǵanlarımnıń hámmesin orınlawdı olarǵa úyretińler. Minekey, Men dúnyanıń aqırına deyin hámme waqıt sizler menen birge bolaman! – dedi.

Matta 28:20

Men tirimen. Ólgen edim, biraq, mine, máńgi-baqıy tirimen. Ólimniń hám óliler mákanınıń giltleri Mende.

Ayan 1:18

Sizlerdi jetim qılıp qaldırmayman, sizlerge qaytıp kelemen.

Yuxan 14:18

Men sizlerge tınıshlıq qaldıraman. Óz tınıshlıǵımdı sizlerge beremen. Men beretuǵın tınıshlıq dúnya beretuǵın tınıshlıqqa uqsamaydı. Júreklerińiz ǵam shekpesin, qorqpańlar.

Yuxan 14:27