Thursday, March 19, 2026

Iyemiz Iysa Masiyxtıń Ákesi – Qudayǵa alǵıslar bolsın! Sebebi Ol Óziniń sheksiz miyrim-shápááti menen bizlerdi jańadan tuwıldırdı. Sonlıqtan Iysa Masiyxtıń ólimnen tiriliwi arqalı bizlerge sónbeytuǵın úmit berdi.

1 Petr 1:3

Sebebi bizler Qudaydıń dushpanı bolsaq ta, Onıń Ulınıń ólimi arqalı Quday menen jarastıq. Endi Quday menen jarasıp, Onıń Ulınıń ómiri arqalı qutqarılatuǵınımız da anıq.

Rimliler 5:10

Jáne de, ol bizlerge házirshe, múbárek úmitimizdiń, yaǵnıy ullı Qudayımız hám Qutqarıwshımız bolǵan Iysa Masiyxtıń saltanat penen keliwin kúttiredi. Ol qun tólep bizlerdi hár bir nızamsız islerimizden azat etiw ushın hám jaqsılıq islewge intalı, ayrıqsha bir xalıqtı Ózine tazalap alıw ushın Óz janın baǵıshladı.

Titus 2:13-14

Kerisinshe, sizlerdi shaqırǵan Quday muxaddes bolǵanı sıyaqlı, sizler de hár bir is-háreketińizde muxaddes bolıńlar. Óytkeni bılay dep jazılǵan: «Muxaddes bolıń, óytkeni Men muxaddespen».

1 Petr 1:15-16

Iyemiz Iysa Masiyxtıń Ákesi – Qudayǵa alǵıslar bolsın! Ol bizlerdi Masiyx arqalı aspandaǵı hár túrli ruwxıy jarılqawlar menen jarılqadı.

Efesliler 1:3

Óytkeni qudaylıq tábiyattıń pútkil tolılıǵı Masiyxtıń denesinde jasaydı. Sizler de hár qanday hákimshilik hám biyliktiń bası Masiyx penen qatnasta bolıp, usı tolılıqqa eristińiz.

Kolosalılar 2:9-10

Onıń tolılıǵınan hámmemiz miyrim ústine miyrim aldıq.

Yuxan 1:16

Quday, hátte, Óz Ulın da ayamay, Onı bizlerdiń hámmemiz ushın qurbanlıq qılıp baǵıshlaǵan bolsa, Onıń menen birlikte bizlerge hámme nárseni bermes pe eken?

Rimliler 8:32