Thursday, March 26, 2026

Boysınatuǵın qullar sıyaqlı, ózlerińizdi kimniń biyligine tapsırıp boysınsańız, sonıń qulı bolatuǵınıńızdı bilmeysizler me? Sizler ya ólimge jetelewshi gúnanıń, ya aqlanıwǵa jetelewshi boysınıwshılıqtıń qulı bolasızlar.

Rimliler 6:16

Bulardıń hámmesin iske asırıwshı bir nárse hám anıq sol Muxaddes Ruwx. Muxaddes Ruwx bul sıylardı Óz qálewi boyınsha hár kimge bólip beredi.

1 Korinfliler 12:11

Pútkil iseniwshiler jámáátiniń paydası ushın, Muxaddes Ruwx hár bir iseniwshige Óz sıyın beredi.

1 Korinfliler 12:7

Hár birińiz jaqsı xızmetshi sıpatında Qudaydıń sizlerge miyrimlilik penen bergen hár túrli ruwxıy sıyların qollana otırıp, bir-birińizge xızmet etińler.

1 Petr 4:10

Al xızmetkerlerden talap etiletuǵın eń baslı nárse – sadıqlıq.

1 Korinfliler 4:2

Al onıń erkin bilmegen hám jazaǵa turarlı is islegen xızmetshi az tayaq jeydi. Kimge kóp berilgen bolsa, onnan kóp talap etiledi. Kimge kóp isenip tapsırılsa, onnan kóbirek soraladı.

Luka 12:48

Bizler Xosh Xabardı járiyalaǵan waqtımızda, nabıt bolıp atırǵanlar ushın ólimge aparatuǵın ólim iyisimiz. Al qutqarılıp atırǵanlar ushın ómir beretuǵın ómir iyisimiz. Negizinde, bunday xızmetke ılayıqlı hesh kim joq!

2 Korinfliler 2:16

Maǵan kúsh-quwat beretuǵın Iysa Masiyx penen birge hámme nárseni isley alaman.

Filipliler 4:13