Monday, March 23, 2026

Ol janımdı qayta tiklep, Óz atı ushın meni tuwrı jolǵa jetekler.

Zabur 22:3

Quday oǵan: – Bunnan artıq jaqınlaspa. Ayaq kiyimińdi shesh, sebebi sen turǵan jer – muxaddes. Men seniń ákeńniń Qudayıman, Ibrayımnıń Qudayı, Ísaqtıń Qudayı hám Yaqıptıń Qudayıman, – dedi. Muwsa Qudayǵa qarawǵa qorqqanlıqtan, júzin japtı.

Shıǵıw 3:5-6

«Meni kimge uqsatasız, Kim Maǵan teń keledi?» – deydi muxaddes Quday.

Iyshaya 40:25

Men seniń Qudayıń Jaratqan Iye, Izraildıń Muxaddesi, seniń Qutqarıwshıńman. Seniń tólemiń sıpatında Mısırdı, Seniń ornıńa Xabashstan menen Sebanı berdim.

Iyshaya 43:3

Men, tek jalǵız Men – Jaratqan Iyemen. Mennen basqa Qutqarıwshı joq.

Iyshaya 43:11

Kerisinshe, sizlerdi shaqırǵan Quday muxaddes bolǵanı sıyaqlı, sizler de hár bir is-háreketińizde muxaddes bolıńlar. Óytkeni bılay dep jazılǵan: «Muxaddes bolıń, óytkeni Men muxaddespen».

1 Petr 1:15-16

Deneńizdiń ózlerińiz Qudaydan alǵan hám sizlerde jasap atırǵan Muxaddes Ruwxtıń ibadatxanası ekenligin bilmeysizler me? Sizler ózińizge tiyisli emessiz.

1 Korinfliler 6:19

Qudaydıń ibadatxanası menen butlar arasında qanday birlik bolıwı múmkin? Hesh qanday! Sebebi bizler tiri Qudaydıń ibadatxanasımız. Quday bılay deydi: «Men olar arasında jasap, Olar arasında júretuǵın bolaman». «Men olardıń Qudayı bolaman, Olar Meniń xalqım boladı».

2 Korinfliler 6:16

Óz ara kelisip almay turıp, eki adam birge jolǵa shıǵa ma?

Amos 3:3