Wednesday, April 1, 2026

Óytkeni Qudaydıń Patshalıǵı jeytuǵın hám ishetuǵın nárselerden ibarat emes, al haqlıq, tınıshlıq hám Muxaddes Ruwx beretuǵın quwanıshtan ibarat.

Rimliler 14:17

Sizler Masiyxtı kórmegen bolsańız da, Onı súyesizler. Házir Onı kóre almasańız da, Oǵan isenip, sóz benen aytıp jetkiziwge qıyın bolǵan bir ájayıp hám ullı quwanısh penen shadlanbaqtasızlar.

1 Petr 1:8

Bizlerdi qapa qıladı, biraq bizler bárqulla quwanıshlımız. Jarlımız, biraq kóp adamlardı bayıtamız. Hesh nársemiz bolmasa da, hámme nársege iyemiz.

2 Korinfliler 6:10

Bizler tek bul sebepli emes, al qıyınshılıqlar sebepli de quwanamız. Sebebi qıyınshılıqlardan sabırlılıq,

Rimliler 5:3

Isenimimizdiń tiykarın salıwshı hám onı minsizlikke eristiriwshi Iysaǵa kóz tigeyik. Ol Ózin kútip turǵan quwanısh ushın, atanaq aǵashta shegeleniwdiń shermendeshiligin pisent etpey ólimge barıp, Qudaydıń taxtınıń oń jaǵına otırdı.

Evreyler 12:2

Bulardı sizlerge Meniń quwanıshım sizlerde bolıwı ushın hám quwanıshıńız tolı bolıwı ushın ayttım.

Yuxan 15:11

Iyemiz benen qatnasta bolıp, bárqulla quwanıńlar. Tákirarlap aytaman: quwanıńlar.

Filipliler 4:4

Keyin Nexemiya xalıqqa bılay dedi: «Endi úylerińizge qaytıp, maylı awqatlardan jep, mazalı ishimliklerden ishińler. Awqat tayarlamaǵanlarǵa da sol nárselerden pay berip jiberińler. Sebebi búgin Iyemiz ushın muxaddes kún. Qayǵırmańlar, sebebi Jaratqan Iye beretuǵın quwanısh sizlerdi kúshli qıladı».

Nexemiya 8:10

Olar izime túsken, qorshap alǵan, Jerge urıw ushın maǵan kózlerin tikken.

Zabur 16:11

Óytkeni taxttıń ortasında bolǵan Qozı olardıń shopanı bolıp, tiri suw bulaqlarına alıp baradı. Quday olardıń barlıq kóz jasların súrtip taslaydı.

Ayan 7:17