Wednesday, April 8, 2026

Awa, ózlerimizdi aqlawǵa ele kúshsiz bolǵanımızda Masiyx belgilengen waqıtta qudaysız bolǵan bizler ushın óldi.

Rimliler 5:6

Quday, hátte, Óz Ulın da ayamay, Onı bizlerdiń hámmemiz ushın qurbanlıq qılıp baǵıshlaǵan bolsa, Onıń menen birlikte bizlerge hámme nárseni bermes pe eken?

Rimliler 8:32

Óytkeni qudaylıq tábiyattıń pútkil tolılıǵı Masiyxtıń denesinde jasaydı. Sizler de hár qanday hákimshilik hám biyliktiń bası Masiyx penen qatnasta bolıp, usı tolılıqqa eristińiz.

Kolosalılar 2:9-10

Mende bolıńlar, Men de sizlerde bolaman. Aǵashta bolmaǵan shaqa óz-ózinen jemis bere almaǵanı sıyaqlı, sizler de Mende bolmasańlar, jemis bere almaysızlar. Men – júzim aǵashıman, sizler – shaqalarsız. Kim Mende bolıp, Men onda bolsam, ol kóp jemis beredi. Sebebi Mensiz hesh nárse isley almaysızlar.

Yuxan 15:4-5

Meniń ishimde, yaǵnıy gúnakar tábiyatımda hesh bir jaqsı nárseniń joq ekenin bilemen. Ishimde jaqsılıq islewge qálew bolsa da, kúshim jetpeydi.

Rimliler 7:18

Biraq Quday hár birimizge Masiyxtıń saqıylıǵına muwapıq Óz miyrimin sıyǵa berdi.

Efesliler 4:7

Eger sizler Mende bolıp, Meniń sózlerim sizlerde bolsa, qálegenińizdi sorańlar, sizlerge beriledi.

Yuxan 15:7

Masiyxtıń sózi pútkil baylıǵı menen ishińizde jasasın. Bir-birińizge tolıq danalıq penen tálim berip, aqıl-násiyat etińler. Qudayǵa shúkirlik bildirip, Oǵan Zabur jırların, alǵıs-maqtaw qosıqların hám Muxaddes Ruwxtıń ilhamı menen jazılǵan qosıqlardı shın júrekten aytıńlar.

Kolosalılar 3:16