Thursday, September 18, 2025

Keyin Muxaddes Jazıwlardı túsiniw ushın olardıń zeyinlerin ashtı

Luka 24:45

Iysa olarǵa bılay dep juwap berdi: – Aspan Patshalıǵınıń sırların biliw sizlerge berilgen, biraq olarǵa berilmegen.

Matta 13:11

Sol waqıtta Iysa sózin dawam etip: – O, Áke, aspan menen jerdiń Iyesi! Bulardı danalardan hám aqıllılardan jasırıp, nárestedey adamlarǵa ashıp bildirgeniń ushın Seni maqtayman! Awa, Áke! Sebebi Seniń qálewiń usınday edi.

Matta 11:25-26

Qudaydıń bizlerge bergen miyrimli sıyların biliwimiz ushın, bizler bul dúnyanıń ruwxın emes, al Qudaydıń Ruwxın qabıl etkenbiz.

1 Korinfliler 2:12

How precious to me are your thoughts, God! How vast is their sum! If I would count them, they are more in number than the sand. When I wake up, I am still with you.

Psalms 139:17-18

O, Qudaydıń baylıǵı, danalıǵı hám bilimi qanday tereń! Onıń sheshimlerine hesh kimniń aqılı jetpeydi, jolların da hesh kim izertlep shıǵa almaydı! «Jaratqan Iyeniń oy-pikirlerin kim bile aladı? Kim Oǵan másláhátshi bolǵan?»

Rimliler 11:33-34

Sebebi Quday pútkil barlıqtı jaratqan. Hámmesi Ol arqalı hám Ol ushın bar bolǵan. Oǵan máńgige dańq bolsın! Awmiyin.

Rimliler 11:36